Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Otxandioko aurreskua berreskuratu dute 82 urteren ondoren

Dokumentuaren akzioak

Otxandioko aurreskua berreskuratu dute 82 urteren ondoren

Otxandioko emakumeek gerra aurretik dantzatzen zuten aurreskua berreskuratu du Urduri dantza taldeak, eta atzo, uztailaren 22an, jaietako laugarren egunean, herrikideen aurrean aurkeztu zuten, Andikona plazan.
Egilea
Jone Guenetxea
Komunikabidea
Anboto
Tokia
Otxandio
Mota
Albistea
Data
2017/07/23
Lotura
Anboto

1936an Otxandio bonbardatu zutenean eten zen soka-dantza honen tradizioa. Ikerlariek diotenez, emakumeek lan egiten zuten jaietan, etxean zein gonbidatuak atenditzen. Uztailaren 22a, ordea, beraien eguna izaten zen. Emakumeak garbitokietan egoten ziren, eta errementariak, lanetik irteterakoan, haien bila joaten ziren. Plazara joan, eta errementariei soka-dantza hau dantzatzen zieten emakumeek.

Oiangurenen ekarpena
Duela 40 urte Santurtziko Flores anaiek Otxandioko folklorea ikertu zutenean abiatu zen  emakumeen aurreskuaren berreskurapena. Sabina Oianguren zen sasoi hartako dantzarien azken belaunalditik gelditzen zen bakarra. Dantzazale amorratu hark, 86 urte zituela ere, aurreskuaren mugimenduak garbi zituen buruan.Oiangurenek ikerlari santurtziarrei eta dantza taldeko beste kide batzuei pausoz pauso irakatsi zien bere oroimenean baino ez zegoen altxorra.

Dokumentuaren akzioak