Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Igandean muxikoen hiriburu bilakatuko da Hondarribia

Dokumentuaren akzioak

Igandean muxikoen hiriburu bilakatuko da Hondarribia

Zumardikoak eta Lagun Arteak elkarteek Hondarribiko II. Muxiko Eguna antolatu dute. 400 dantzari inguru espero dituzte.
Egilea
Asier Perez-Karkamo
Komunikabidea
Bidasoko Hitza
Tokia
Hondarribia
Mota
Albistea
Data
2019/04/10
Lotura
Bidasoko Hitza

Bigarren Muxiko Eguna egingo dute igandean (hilak 14) Hondarribian. Iazko ekitaldi arrakastatsuaren ondoren, bigarrena antolatu dute Hondarribiko Zumardikoak eta Irungo Lagun Artea elkarteek. Euskal Herri osotik ehunka dantzari hurbiltzea espero dute antolatzaileek.

Egun osoko festa izango da, hirian zehar mugituko dena, gainera. Alde Zaharretik hasi, Portua zeharkatuz eta Hondartza auzoraino. Hilean behin Hondarribiko muxikoak egin ohi diren tokian hasiko da jardunaldia, Damarri plazan, 11:30ean. Bertatik abiatuta, eta erraldoi konpartsaren laguntzarekin, Arma Plazara igoko dira parte hartzaileak.

Lehen ekitaldi nagusia bertan egingo dute, Arma Plazan. 12:00etan hasita, txalapartarien saioa egingo dute lehenik. Ondoren, lehen muxiko saioa, Jaiki Hadi taldeak lagunduta. Ordu bata aldera, Portura bidean jarriko da taldea, erraldoiak eta trikitilariak aurretik, eta dantzari marea haien atzetik.

Bazkaria eta bazkalostea
Ikusteke dago zenbat dantzari bilduko dituen bigarren muxiko egunak, baina kopuru bat behintzat ziurtatuta dago. Izan ere, 400 elkartuko dira Ardora jatetxean bazkaltzen. Hori marka!

Indarrak hartu eta gero Hondartza kiroldegira mugituko dira —jatetxe ondoan dago—, eta bertan egingo dute arratsaldeko ekitaldi handia. 17:00etan hasiko da arratsaldeko muxiko festa. Iruñeko Ortzadar taldeak jarriko du musika, 19:30ak arte.

Dokumentuaren akzioak