Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka 'Herri Oboeak' eta Larrain Dantza Topaketak bat egingo dute ekainaren 10ean

Dokumentuaren akzioak

'Herri Oboeak' eta Larrain Dantza Topaketak bat egingo dute ekainaren 10ean

Ekainaren 10ean, Herri Oboeak ekimena izango da Bilbon, jada errotua dagoen VII. Larrain Dantza Topaketarekin batera.

2006 eta 2007 urteetan edizio bana antolatu zuen Gaztedi Dantzari Taldeak eta, aurtengoan, Herri Oboeak-en III. edizioa abian jarri nahi izan dute Santutxuko dantzariek.
Komunikabidea
Uriola.eus
Tokia
Santutxu
Mota
Albistea
Data
2017/06/05
Lotura
Uriola.eus

"Gaitero gazteen presentzia eskasa" dela eta, Euskal Herriko bazter ezberdinetako gaiteroak bilduko dira Bilboko kaleetan, egun osoan zehar ekintza ezberdinak burutzeko. Hala, Herri Oboeak hitzordua aprobetxatuta, Mairuek Erraldoien Konpartsak lekukoa emango dio Gaztediri, Mairuek Gaztediko Erraldoien sorrera irudikatuta.

Ekainaren 10ean, beraz, musikaz argituko du egunak Santutxun, Bilbo Zaharrean, San Frantziskon, Zazpikaleetan eta Abandon, eta 12:00etan Atxuriko Gizakunde Plazan erraldoien lekuko aldaketa egingo dute, "erraldoi eraberrituak" ikusteko aukera eskainita.

Lekuko aldaketaren ekitaldia bukatutakoan, Zazpikaleetan barrena abiatuko da kalejira, gaitero talde ezberdinek eta Mairuek Gaztediko Erraldoiek girotuta.

Arratsaldean, ostera, gaiteroek erakustaldia egingo da 18:00etan Santiago Plazan eta talde bakoitzak 10 minutuko emanaldia eskainiko du. Ondoren, 19:30 inguruan, Areatzarako bidea hartuko dute, bertan leku egingo baitiote gaiteroek VII. Larrain Dantza Topaketari.

'Herri Oboeak' eta Larrain Dantza Topaketak bat egingo dute ekainaren 10ean

Dokumentuaren akzioak