Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Giro bikaina izan zen asteburuan

Dokumentuaren akzioak

Giro bikaina izan zen asteburuan

Komunikabidea
Kronika
Tokia
Astigarraga
Mota
Albistea
Data
2022/04/06
Lotura
Kronika

Joan den asteburua borobila izan zen Urumea bailarako herritarrentzat. Makina bat ekintza kultural izan ziren Hernanin zein Astigarragan, adin-tarte guztientzat, eta ederki gozatu zuten astigartar zein hernaniar guztiek. 

Larunbatean, ospakizun berezia izan zen Hernanin. Musikak hartu zuen herria hainbat kontzerturekin eta emanaldirekin. Hain zuzen, Incansables txarangak bere 50. urteurrena ospatu zuen, eta giro ederra izan zen herrian. Gainera, arratsaldean, txistu eta harpa kontzertua izan zen Milagrosan, Goizetik Txistulari Bandak antolatuta eta, segidan, Eliz musika kontzertua, Kantuz abesbatzaren eskutik, San Joan Bataiatzailea elizan. 

Igandean, berriz, musika eta dantza izan ziren eguneko protagonistak, Astigarragan. Astigarraga Ehuntzen egitasmoaren barruan, Kantujira izan zen Ergobitik abiatuta. Aiztondok gidatuta, bertan izan ziren Galtzaur elkartea, Bentazaharreko Mutil Alaiak taldea eta Norberto Almandoz musika eskolako haurren abesbatza. Gainera, astigartarrak ez ezik, hernaniarrak ere bertaratu ziren festaz gozatzera. Gero, Astigar eta Eltziegoko dantza taldeek ikuskizuna eskaini zuten Foru Plazan. Elkartrukea egin zuten bi taldeek, eta ezin hobe aritu ziren dantzan. 

Dokumentuaren akzioak