Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Emakumeen sokadantza ikusgai Otxandion, 80 urtean lehen aldiz

Dokumentuaren akzioak

Emakumeen sokadantza ikusgai Otxandion, 80 urtean lehen aldiz

Urduri dantza taldeko emakumeek larunbatean eskainiko dute ikuskizuna. Santa Marina jaietako laugarren egunean dantzatu ohi zen.

adira 80 urtetik gora ez dela emakumeen sokadantzarik egiten Otxandion. Garai batean, Santa Marina jaietako laugarren egunean dantzatu ohi zuten errementarien dantza ere deiturikoa. Santurtziko Mendi Alde dantza taldeko Mundi eta Andoni Flores anaiek jasotako testigantzen arabera, egun horretan, burdinoletako langileak, lantokietatik irteten zirenean, herriko garbilekuetara joaten ziren txistuaren musikaz lagundurik, eta han zeuden emakumeekin elkartuta, eskutik helduta, herriko plazaraino joaten ziren.
Egilea
Arantxa Elizegi Egilegor
Komunikabidea
Berria
Mota
Albistea
Data
2017/07/20
Lotura
Berria

Behin plazan zirela, dantzan hasten ziren, baina ez soilik gizonak, baita emakumezkoak ere. "Behin soka osatuta, mutilek eta neskek jota dantzatzen zuten; dantzari kopuruaren arabera, launaka, hirunaka... dantzatzen zuten. Txistulariak jotetan erabiltzen zuen musika arin-arin eta fandango batena zen, biribilketa gehiagorekin bukatuz", azaltzen dute Flores anaiek euren ikerketan.

Sabina Oianguren izan zen sokadantza forma zaharrean dantzatu zuen azken belaunaldiko dantzaria. Hari esker lortu dute, besteak beste, garai bateko dantza berreskuratzea. Izan ere, denborarekin eta burdinolak desagertzearekin, galdu egin zen emakumeen sokadantza. Ordea, larunbat honetan, 82 urteren ostean, berriz egingo dute Otxandioko Urduri dantza taldeko emakumeek.

Sabina Oianguren, soka-dantza erakusten. /

Sabina Oianguren, soka-dantza erakusten. / Dantzan

Dokumentuaren akzioak