Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Dantza tradizionalen unibertso hipnotikoa

Dokumentuaren akzioak

Dantza tradizionalen unibertso hipnotikoa

Telmo Esnal zuzendariaren Dantza filmaren emanaldia izango da gaur berton, Hondarribiko Itsas Etxea Auditoriumean, 19:00etan. Filma 2018ko Donostiako Zinemaldiko Sail Ofizialeko hautagai izan zen, eta Greenpeacek emandako Lurra Saria irabazi zuen. Zinemetan joan den abenduan estreinatu zenetik, oso bira luzea egiten ari da munduko bazter askotatik.
Komunikabidea
Nontzeberri
Mota
Albistea
Data
2019/05/23
Lotura
Nontzeberri

Telmo Esnalek zuzenduta eta Txintxua Filmsek ekoitzita, Dantza filmak dantza tradizionalen unibertso hipnotikoa irudikatzen du. 250 dantzari baino gehiagok parte hartu dute tradizioari, lurrari, haren jendeari, mitoei eta ohiturei egindako kantu poetiko horretan.
Asmo handiko sormen-apustu bikaina egin du zinemagileak film horretan; Koldobika Jauregi artistak zuzendu du bertan islatzen den unibertso estetiko eta bisuala, eta Juan Antonio Urbeltz ikertzaile eta folkloristak izan du koreografiak koordinatzeko eta ikuskatzeko ardura.

“Ekaitza lehertu da landako lan egun gogor baten ondoren. Atertu duenean, bizitza erne da lehen agor zen lurretik. Fruitu bat hazi eta heldu da, bizirik eutsi die izurrien erasoei, eta sagardoaren bizigai izango den sagar bihurtu da. Orduan, uzta ospatzeko tenorea da, topa egitekoa eta maitasunaren festan murgiltzekoa”.

Dokumentuaren akzioak