Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka 83 joaldun bildu ziren Iturenera Inauteri Astelehenean

Dokumentuaren akzioak

83 joaldun bildu ziren Iturenera Inauteri Astelehenean

Iturengo 34, Zubietako 32 eta Aurtizko 17ak nahiko lan izan zuten mozorroak plazatik uxatzen

Inauteri Astelehena izan zen Ituren, Aurtitz eta Zubietan eta ohiturari eutsiz, Iturenera bildu ziren hiru herrietako joaldunak, aspaldiko urteetako gehien. 83 izan ziren guzira, 28 heldu eta 6 haur Iturengoak, 30 heldu eta 2 haur Zubietakoak eta 14 heldu eta 3 haur gehiago Aurtizkoak.
Egilea
Ttipi-Ttapa
Komunikabidea
Erran
Tokia
Ituren
Mota
Albistea
Data
2017/01/31
Lotura
Erran

Goizetik Iturengo eta Zubietako Herriko Etxeko ganbaretan eta Aurtizko elkartean beraien arropak janzten aritu ziren joaldunak, joareak ongi estutu gerrian, ttuntturroa buruan paratu, isopua eskuetan eta ongi gosaldu zuten.

Mozorroak bere aldrebeskeriak plazan egiten zituzten bitartean, Iturengo Joaldunek Latsaga aldera jo zuten, Aurtitz eta Zubietakoekin bat egitera. Elkar agurtu ondotik, denek elkar hartu zuten, pausua bateratu eta Iturengo plazara hurbildu ziren.

Iturengo plazara hurbiltzerakoan, nahikoa lan izan zuten joaldunek mozorroak uxatzen.  Gisa guzietako mozorroak ikusi ziren eta joaldunek nahikoa lan izan zuten beraien itzuliak egiteko.

Joaldunek ongi merezitako hameketakoa izan zuten Herriko Etxeko Ganbaran eta bertze itzulixka baten ondotik, Astearterako indarrak gordetzera joan ziren. Asteartean Zubietaren txanda izanen da, eta bertan harrera eginen diete hiru herrietako joaldunei eta mozorroei.

83 joaldun bildu ziren Iturenera Inauteri Astelehenean

Aspaldiko joaldun kopururik handiena bildu zen Iturengo plazan. Argazkia: Juan Mari Ondikol

Dokumentuaren akzioak