Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka “Dantza” eta Orbeldi D.T. zinema aretoetan gaurtik, urtarrilaren 27an Sutegin

Dokumentuaren akzioak

“Dantza” eta Orbeldi D.T. zinema aretoetan gaurtik, urtarrilaren 27an Sutegin

Aginaga, Usurbil edota herrikoak ageri ziren bi film izan ditugu aipagai azken hilabeteotan; iraila amaieran estreinatu eta Aginagan lehenik, Usurbilen gero proiektatu genuen Txintxua Films-ek ekoitzitako “Oreina”. Eta ostiral honetan zinema aretoetan estreinatuko den ekoiztetxe beraren bigarren ikus-entzunezkoa; Telmo Esnal zarauztarrak zuzenduriko “Dantza”.
Komunikabidea
Noaua
Mota
Albistea
Data
2018/12/21
Lotura
Noaua

Film honek ere Usurbilekin lotura estua du. Usurbildarrak ageri dira eta, Orbeldi D.T.-ko kideak, izenburuari ohore eginez, dantzan noski. Ostiral honetan, abenduaren 21ean estreinatuko da “Dantza” Euskal Herriko zinemenetan! 

Baina adi, pixkatxo bat itxaroteko pazientzia baduzue, herritik mugitu gabe, Sutegin ikusteko aukera izango duzue hilabete barru, urtarrilaren 27an. Urtarrileko azken igandean 19:00etan, kultur etxeko auditorioan, NOAUA! Kultur Elkartearen eskutik. Urte hasieran emango dizuegu sarreren salmentaren gaineko informazio zehatza.

“Dantza”
Zuzendaritza eta idoia: Telmo Esnal.
Sinopsia: Ekaitza lehertu da landako lan egun gogor baten ondoren. Atertu duenean, bizitza erne da lehen agor zen lurretik. Fruitu bat hazi eta heldu da, bizirik eutsi die izurrien erasoei, eta sagardoaren bizigai izango den sagar bihurtu da. Orduan, uzta ospatzeko tenorea da, topa egitekoa eta maitasunaren festan murgiltzekoa. 

Bizitzaren zikloari buruzko istorio bat, bizirik irauteko borrokarena. Horretan, denboraren iragatea naturaren ibilbideak markatuko du. Eta dantza da hori kontatzeko hautatutako hizkuntza. Musikak eguneroko zereginei lagunduko die. Bizitza erritmoa da! 

Gai unibertsalak, hemen sinbologia berezi batez jantziak. Dantza tradizionalen unibertso hipnotikoari dagokiona. Tradizioari, lurrari, haren jendeari, mitoei eta ohiturei egindako kantu poetiko bat. Izatearen mirariari buruzko kontaketa bat.

Produkzio diseinatzailea: Koldobika Jauregi.
Koreografoa: Juan Antonio Urbeltz.
Ekoizlea: Marian Fernandez Pascal.
Argazki zuzendaria: Javier Agirre Erauso.
Muntaia: Laurent Dufreche.
Musika: Pascal Gaigne.
Soinua: Alazne Ameztoy, Xanti Salvador.
Makilaia: Lola López.
Ilea: Itziar Arrieta.
Jantziak: Arantxa Ezquerro.
Fitxa artistikoa:
Buruzagi: Gari Otamendi.
Erregina: Amaia Irigoyen.
Neska-laguna: Ainara Ranera.
Mutil-laguna: Joseba Astarbe.
Amaterasu: Josu Garate.

Dokumentuaren akzioak