Ekitaldira herritar asko hurbildu ziren eta aretoa bete egin zen. Mendizabal eta Marotorekin, Mikel Serrano alkatea, Ines Aztiria dantzaria eta Endika Altzelai txistularia eseri ziren. Izan ere, liburua Irrintzi dantza taldeak eta Antxiñako Ama txistulari taldeak bultzatu dute eta udalaren babesa jaso du. 14 eurotan jarri dute salgai, kultur etxean, interpretazio zentroan eta bi herrietako liburu-dendetan. Alkateak Mendizabalek bildutako informazioa beste lan batzuk egiteko ere erabiliko dela eta Marotok libururako egindako marrazki batzuk interpretazio zentroan jarriko dituztela aurreratu zuen.
