Edukira salto egin | Salto egin nabigazioara

Tresna pertsonalak
Hemen zaude: Hasiera › Bideoak › Raices 14 - Ordizia: brokel-dantza 1973

Dokumentuaren akzioak

Raices 14 - Ordizia: brokel-dantza 1973

Dantzan Dantzan
2011/12/28 17:20

Ordizian grabatutako Raices programaren bigarren zatia da hau, Mikel Sarriegik helarazi diguna. Beno, Ordizian grabatua dela esaten da programan bertan, nahiz eta zehazki non den ez den argitu. Dantzariak donostiarrak dira, Kresala dantza taldekoak eta Gene Yurrek ematen ditu azalpenak. Jose Ignazio Ansorenak jakinarazi digunez 1973. urtean izan zen grabazioa eta berak ere parte hartu zuen txistulari lanetan. Atabalari lanetan Pello Cuesta aritu zen. Dantzariak Xabier Arregi, Iñigo Arregi, Iñaki Olano, Aitor Aizpurua, Xabier Sagastibeltza, Jose Ignazio San Jose "Leixa", Víctor Casín "Hippie" eta Xabier Otaegi "Txirri" izan zirela dio Ansorenak. Gipuzkoako brokel-dantzako erreberentzia, ezpata-txiki, makila-txikiena eta jorrai-dantza egiten dituzte. Raices, TVE, 1970eko hamarkada.

Etiketak

Jarri bideo hau zure webgunean
Deskargatu
Deskargatu

Dokumentuaren akzioak

Mikel S
2012/03/11 15:01

Grabaketa hau izan daiteke, gure 25. urteurren liburuan (Aurtzaka) jasota agertzen den bezala, Beasaingo Goierri dantza-taldeari TVE-k eskaini ziona. Garaiko giro politikoa tarteko, telebista espainiarrari ezezkoa eman omen zitzaion, nahiz eta dirua eskaini, eta honek sortu omen zuen Goierri taldean bertan eztabaidarik eta sestrarik.

Dantzan Dantzan
2014/02/25 11:26
Jose Ignazio Ansorenak bideo honi buruzko hainbat argibide emanez idatzi digu. Berak txistulari gisan parte hartu zuela grabazioan eta 1973. urtean izan zela. Parte hartu zuten dantzarietako batzuren izenak ere eman dizkigu. Hona bere mezua: "Egia da KRESALA Taldeak grabatu zuela, 1973ean. Neu ere tarteko, oraindik ikasle besterik ez banintz ere, txistulari gisan. Baina besterik ezean... Nirekin batera aritu zen atabalaria, Pello Cuesta. Ongi gogoratzen naiz lekua nolakoa zen, baserri eder baten ondoan eta Ordizia herritik ez oso urruti, ez ordea, nola iristen zen ezta zein izen zuen ere. Mikelek aipatzen duen kontua, Goierri taldeari eskaini zitzaiola eta uko egin zuela, izan liteke oso garaiko kontua delako. Baina guk ez genuen horren berririk izan. Dantzariak hauek dira: Xabier eta Iñigo Arregi anaiak (hau orain pare bat urte hila), Iñaki Olano, Aitor Aizpurua, Xabier Sagastibeltza, Jose Ignazio San Jose, Leixa, Víctor Casín, Hippie, eta Xabier Otaegi, Txirri".

Erantzun

Erantzuna emateko identifikatu egin behar zara, gure webgunean erabiltzaile bat sortuz.