Mendi Alde dantza taldearen omenezko eskultura inauguratu da Kabiezes-en

Kabiezes auzoak goitik beherako eraldaketa bizi izan du mende erdian. Aldaketa horren testigu, eta bere iraganeko ezaugarriak gordetzeko etenik gabeko lanean, auzoko kultura pizgarri handia izan da Mendi Alde dantza taldea. 50. urteurreneko ospakizun eta omenaldiak  horren testigu izan ziren, eta haren oiartzunik segitzen du oraindik. 

Orain hiru urte ospatu zuen mende erdia Mendi Aldek. Urteurrenean hasitako lanak orain ikusi du argia, Andoni Flores-ek Mendi Alderen omenez egindako eskultura kalean jarri eta inauguratu baitu Santurtziko udalak. Mendi Aldek auzoko ondarea jaso eta biziberritzeko egindako lana eskertu eta zoriondu nahi izan du era honetan Santurtziko udalak. 

Horrekin batera, auzoaren aldaketaren testigu den argazki sorta, Mendi Alden ekimenez bildu dena, Antonio Alzaga kalean ezarri dira.