Dokumentuaren akzioak
Albisteak
Ezkerralde makarrada gazte dantzarien proiektua abian!
Abenduaren 30ean Bizkaiko ezkerraldeko 12 bat dantzari elkartu ginen hainbat galderaren inguruan bueltaka aritzeko. Gure inguruko gazteontzat dantza erakargarria al da? Kalean zer espazio hartzen du dantzak? Guretzat erakargarria al da?
Pausoz pauso, Urraska
Heldu den urtarrilaren 17an eta 18an estreinatuko dute Baionan, Zarena Zarelako elkarteak ekoiztutako Urraska ikuskizuna. 1910-1960 urteetako euskal familia baten bizitza kontatuko dute bertan. Dantza, musika eta ipuinak dira ikuskizun honen osagaiak.
dantzan.com: 2008a zenbakitan
Hona hemen bukatu berri den 2008 urtean dantzan.com-ek izan dituen bisitak, albiste eta atal irakurrienen zerrendak, gehien bilatutako hitzak eta bestelako estatistikak. Aurten ere 100.000 bisitatik gora izan ditugu eta 300.000 orritik gora erakutsi dira. Egunero 300 lagunek irakurtzen dute dantzan.com.
Badatoz 2009ko inauteriak
Gabonak bukatzearekin batera heldu zaigu inauteri garaia. Iragarri bezala, asteburu honetan bertan hasiko dira maskaradak Barkoxen. Ondoren, tantaka-tantaka helduko dira besteak ere. Otsaila bukaera aldera izanen dute une gorena. Esaterako, otsailaren 19a izanen da Ostegun Gizena eta 24a Inaute Asteartea.
Maskaradak 2009 Barkoxeko gazteen eskutik
Urtarrilaren 11an abiatuko dira maskaradak Zuberoan. Aurten Barkoxeko gazteek hartu dute maskaradak prestatu eta herriz herri eramateko ardura. Hona hemen Barkoxeko Etxahun elkarteak jakinarazi duen 2009ko Zuberoako Maskaraden egutegia:
The Placen ikasteko sarrera-probak Bilbon
The Place Londresko dantza garaikide eskola entzutetsuan ikasketak egiteko sarrera-probak Bilbon egingo dira datorren otsailaren 1ean. Audizioan hautatua gertatuz gero Europako Batasuneko beka ziurtatuta izaten da.
Nazioarteko Trikitixa Jaialdia larunbat honetan ETB1ean
Larunbat honetan, abenduak 27, gaueko 23.00etan ETB1-ean emango da Euskal Herriko Trikitixa Elkarteak antolatutako VII. nazioarteko trikitixa jaialdia. Aurten dantza izan du ardatz jaialdiak.
Dantzaren bitakora 2008
Antonio Marquez-ek urtarrilaren 3an Bilbon egindako mundu mailako estreinaldiarekin hasi eta Juan Carlos Santamaria donostiarrak irabazi berri duen Espainiako Dantza Sari Nazionalera, horra Iratxe de Arantzibia dantza kazetariaren begirada: 2008an dantzak Euskadi eta inguruetan eman duenaren laburpena.
Baionako Euskal Museoaren argazkiak sarean
Baionako Euskal Museoak argazki sorta bikaina sareratu du berriki. Horietako asko ezagunak dira, gure iruditeriaren parte bilakatu direnak dagoeneko. Beste batzuk ezezagunak eta bitxiak. Orotara, 1860 eta 1930 urteen arteko 5.000 argazki inguru. Tartean dantzarekin harremana dutenak ere bai, noski.
Dantza proiektu berritzailea ezkerraldean
Ezkerraldeko dantzariak kezkaturik gaude. Dantza plazaz plaza egiten dugu alarde eta dantzaldietan. Gero eta hilago, gero eta jende gutxiago, taldeen eredua krisian. Dantza ez da gure inguruan ikusten, ez da gauza bizi bat. Honi itzuli emateko ekimen-hausnarketa bat abiatu dugu.
Dokumentuaren akzioak
