Agenda

Bi sio: 12:45 (MUNeko zabalgunean) + 19:30 (Erdigunean)

Espazioko hiru bidaiarik, beti lurrari eta sustraiei lotuak, pieza honekin erakustea proposatzen dute, unibertso osoaren aldean oso hutsalak izan arren, lagunartean nabigatu dezakegula, baita gozatu eta argiztatu ere. Perseidas bigarren antzerki-dantzaren sorkuntza berria da, Pacto de Fuga-ren bira arrakastatsuaren ondoren. Bertan, Raquel, Anna eta Sandrak talde-lana nabarmendu eta omentzen dute, elkarrekin distiratzen dutelako, elkarrekin bidaiatzen dutelako, beren energia zirkulatzen dutelako eta unibertsoan hedatzen dutelako modu etengabe eta zinetikoan.

*Iturritik 2024 jaialdiaren programazioaren barruan.

Dantza, mugimendua da. Mugitzea, funtsean, gorputz bat lekuz aldatzea. Lekuz aldatzean gorputzaren barruko guztia mugitzen da harekin: ametsak, beldurrak, minak eta itxaropenak. Gorputzak irekitasuna behar du mugitzeko: irekia egon mugimendua abiatzeko, irekia egon mugimendua jasotzeko. Aukeran Dantza Konpainiak emanaldi honekin hori bera proposatzen dio publikoari: mugimenduari irekitzeko ariketa bat. Ireki gogoak, ireki kuriositatea, ireki gorputzak. Zer da dantzari izatea ez bada, funtsean, mugitzea: gorputz bat lekuz aldatzeko prest egotea, eta leku berri horretan norbera den gorputza berriro deskubritzea.

• Egilea: Aukeran Dantza Konpainia
• Zuzendaritza: Edu Muruamendiaraz
• Musika: Xabi Aburruzaga
• Koreografia: Ane Anza, Maier Muruamendiaraz
• Jantziak: Oscar Armendariz
• Dantzariak: Ane Etxeberria, Nahikari Sanchez, Uxue Sanchez, Ane Anza, Nora Muro, Laida Egaña, Danel Serrano, Claudia Talavera

2024ko Dantza Hirian jaialdiaren barruan Donostian hitu konpainien emanaldiak izango dira. Richard Mascherín, Angel Duran Performing Arts eta Virginia Gimeno - Robert Gómez-en Vacío Espiritual, Clinch, Punteggio per due corpi ikuskizuna.

Richard Mascherín: Vacío Espiritual

• 19:00etan, Kostituzio plaza. Iraupena: 20 minutu

Pieza istripu performatiko bat da, dantza garaikidean oinarritua, eta bertan elkarrekin lotuta daude gorputza, soinua eta techno musika.

Angel Duran Performing Arts: Clinch

• 19:20ean, Kostituzio plaza. Iraupena: 22 minutu

Gizonezkoen eraikuntzari buruzko duo indartsua. Gizon-portaera garaikidearen deseraikuntza, batzuek goraipatu eta askok zalantzan jartzen dutena.

Virginia Gimeno - Robert Gómez: Punteggio per due corpi

20:00etan, Kostituzio plaza. Iraupena: 15 minutu

Besarkada hura hasperen bat bezalakoa izan zen, eta isiltasun bihurtu zen, sinfonia handi baten erdian, obra osoari zentzua emateko gai izanik.

Aurrez esan izan dugun bezala, aurtengoa Ostadar Dantza Taldearentzat urte berezia izaten ari da, lau hamarkada igaro baitira lehen aldiz dantzan hasi ginenetik. Gure 40. urteurrenaren aitzakian eta hasiera-hasieratik izan dugun helburuari eutsiz, herria etenik gabe dantzan jarri nahi dugu. Horretarako, datorren irailaren 20an eta 21ean ekimen erraldoi bat egin nahi dugu: 24 ORDU DANTZAN ETENIK GABE burutzea da gure helburua.

Era berean, Maurizia Aldeiturriaga pandero-jole bizkaitarra jaio zela 120 urte betetzen direla ospatzeko eta omentzeko tartea ere hartuko dugu ekimenaren bidez, izan ere,  Mauriziaren irudiak, bere baitan hartzen ditu gure dantza taldea definitzen duten hainbat balore:

• Herriak sortua herriari eskaintzeko beharra eta nahia
• Gure hizkuntzan gure kultura dantza eta musika bidez transmititzea
• Berdintasunerantz eta aniztasunerantz abestu eta dantzatzeko aldarria

Ekimena Beasainen burutuko da, Bideluze plazan hain zuzen ere. Irailaren 20an, ostiralean, 20:00etan emango zaio hasiera.

Etenik gabeko kate hori mantentzeko zure beharra dugu. Lagunduko al diguzu?

Bi egun horietan zehar plaza dantzak dantzatu beharko dira (fandangoak, arin-arinak, jauziak...), beraz, dantza egiteko nahiz jotzeko gai den jendea beharko dugu. 15 minutuko txandak egingo ditugu eta taldeka egin ahalko da.

Elkar hobeto ezagutzeko aitzakian festa egin nahi baduzu, hauxe izango da zure lekua! Jana, edana... beharrezko guztia izango dugu eskura. 

Horrez gainera, 24 ordutan zehar hainbat sorpresa izango dira, eta larunbatean, hilaren 21ean, ekimena amaitzen denean festak jarraipena izango du, izan ere, 22:00etan, Zutik Erromeria Taldearen kontzertua izango baita!

Informazio gehiagorako eta ekimenean izena emateko hementxe duzue esteka. Beraz, dantzarako edo musika jotzeko prest bazaude, animatu eta eman izena bertan! Denon artean lortuko dugu! https://24orduzdantzan.eus/ 

Informazio gehiago behar izanez gero, idatzi 24orduzdantzan@gmail.com helbide elektronikora eta gogoz erantzungo dugu zure zalantza.

Zabaldu zure inguruan nahi adina. Baietz 24 ordu etenik gabe!

Dantzatzen duen herria ez delako sekula hilko, etxean edo plazan, ez jarri zalantzan, jarrai zagun dantzan.

Ostadar Dantza Taldea

Zertan sinetsi, gure XXI. mendeko hutsunea baretzen saiatzeko?

Autoesklabotzaren ereduaren bitartez, Shinek gorputzaren objektualizazioa, hedonismoarekiko adikzioa, epelaburtasuna eta ihesbidearen bilaketa etengabea lantzen ditu.

Erritu etsia, galdutako fedearen bila.

Nola egin dezakegu distira, jada gure buruarengan sinesten ez badugu?

Shine antzezlanak estasia eta gorputzaren martirioa ikertzen ditu. Martirio hori zaharkitutako elementutzat du bizi garen gizarte turbokapitalista honetan. Tekno musikaren zalaparta burrunbatsuak eta zertan sinetsi bilatzen dutenen saetek zoratuta, zortzi gorputz estasiaren arrakastapera erortzen dira -estasia funtsezko droga baita enpatiarik gabeko munduan ibiltzeko- eta gure orainak zuzendutako koreografia lantzen dute: erritual berriak, zenbait kultu grinatsu eta asmatutako erlijioak hartu beharra.

Shinek gure gizarte-linboa irudikatu nahi du, non gure espiritualtasuna zehazten saiatzen baikara dena-segituan-orain diktamen horri jarraiki. Antzezleek ziklotimia dantzatzen dute, iraganetik datorren depresioak eta etorkizunetik etorriko den antsietateak txikituta. Fede bila ari dira, baina, ilargi betearekin gertatu bezala, mugikorrek ezin diote hari argazkirik atera.

Dantzatzeko aukera da, zaurien modura gutako bakoitzaren bularrean ezarri den hutsunea dantzatzeko aukera. Gure buruari jarri diogun arantza-koroak galdutako distira topatzeko azken itxaropena.

• Zuzendaritza: Judith Argomaniz.
• Dramaturgia: Fernando Epelde.
• Interpreteak: Garazi Etxaburu, Leire Otamendi, Jone Amezaga, Seth Buckley, Ioar Labat, Puy Barral, Ángela Arrieta, Mikel Casal.
• Ahotsa eta testua: Puy Barral.
• Musika sorkuntza: Fernando Epelde.
• Jantzien diseinua eta gauzatzea: Xabier Mujika.
• Argien diseinua: Javier Ruíz de Alegría.
• Eszenografia diseinua: Ikerne Gimenez.
• Argazkiak eta bideoa: Renata L. ETANOWSKI.
• Ekoizpena: Marina Camacho.
• Banaketa: Emilia Yagüe Producciones.
• Komunikazioa: Nerea Kortabitarte.

Denok dugu unibertso txiki bat, eta bertan babesten gara. Zero grabitatea mikromundua da denboraren kapsula baten barruan. Ametsezko mundu bat da, non ez dagoen konafrikturik, gorputzak egoera eta espazio desberdinetan bakarrik erlazionatzen dira, ikuslea irudimenezko mundu batera eramanez, fantasiaz betea eta ukigarria ez dena, non interpreteek grabitatea beren gorpuztasunarekin eta harremanarekin gainditzen duten.

Ikuskizuna sortu aurretik, mugimendu ikerketa bat egin zen grabitatea oso txikia den egoeretan: uretan eta airean esekita. Hortik material koreografiko ezberdinak lortu ziren eta piezaren izenburua sortu zen. Titulua aukeratzeko beste adierazpen bat da mundu horretan ez dagoela ez adostasunik ez arazorik.

Ikuslea aske da bere interpretazioa sortzeko, edo, besterik gabe, kontatu nahi zaion horretan murgiltzeko. Gauzen dramaturgia sortzeko modu polita.

• Zuzendaritza eta koreografia: Denis Martínez Roque

• Zuzendaritza eta koreografia laguntzailea: Oihana Varela

• Argiztapena: Arantza Flores

• Musika: Ibon Aguirre

• Antzezleak: Miren Lizeaga, Denis Martínez

55. urteurrena ospatzeko Ezpela taldeak Amalur ikuskizuna eskainiko du irailaren 20 eta 21ean Ezpeletako merkatu estalian. Dantzak, abestiak eta musika nahasten dituen ikuskizun hau, 7 eta 77 urte bitarteko parte-hartzaileak bilduko dituen belaunaldien arteko ikuskizuna izango da.