Agenda

*Ibaiondo Dantzan 2024 programaren egitarauaren barruan.

* Ibaiondo Dantzan 2024 programaren egitarauaren barruan.

Iceberg konkista bati buruzko bidaia da. Ikustezina den horren bila abiatzen den bidaia epikoa, zeinetan esploratutako eta ibilitako bidearen islada besterik ez dagoen. Helmuga lausoa izan arren eta noraezean, desorekatuta ibili arren, bidean aurrera egin beharra dago. Iceberg lurralde desberdinak zeharkatzen dituen eremu geografikoa da, non barne ekaitzak, lurralde izoztuak eta sakoneko eremuak zeharkatzen diren, non sumendiak ere lehertzen diren.

Myriam Perez Cazabon koreografoaren eta Nagore Legarreta argazkilariaren arteko elkarlanerako gogotik eta elkarrizketatik abiatzen da Iceberg. Paisaiak gorpuztuz eta gorputzezko paisaiak eraikiz, bizipenez beteriko parajeen eta lurraldeen irudietatik koreografiak sortzeko helburuarekin, Iceberg bi disziplina artistiko hauen arteko hartu-emanerako gunea da, non, argazkilaritzaren iraunkortasuna osagarri bilakatzen den dantzaren iragankortasunerako.

• Ideia, zuzendaritza: Myriam Perez Cazabon
• Koreografia: Myriam Perez Cazabon, dantzarien laguntzarekin
• Argazki erakusketa, irudiak: Nagore Legarreta
• Dantzariak: Leire Otamendi, Nekane Mendizabal, Oihana Vesga, Myriam Perez Cazabon
• Kanpo begirada: Agurtzane Intxaurraga
• Musika: Elle Belga
• Musika ekoizpena: Karlos Osinaga
• Jantziak, eszenografía: Myriam Perez Cazabon
• Dirulaguntza: Eusko Jaurlaritza – Kultura Saila
• Babesa eta elkarlana: Donostia Kultura, Gipuzkoako Dantzagunea

*Ibaiondo Dantzan 2024 programaren egitarauaren barruan.

Iocari zerbait alaitasunez egitea da. Iocari jolastea da. Jolas gaitezen, bada. Jolas gaitezen, nahiz eta irabazteko edo galtzeko ez izan. Jolas gaitezen, lor genezakeena ikusteko baino ez bada ere. Iocari-k kaleak sariz betetzen ditu, bazterrak zortez, eta aurpegiak ezinezko irribarrez.

Kresala konpainiak Juan Mari Beltranekin batera «Sigi-Sagan» dantza-saioa eskeiniko du Miramar Gauak jaialdian.

Zesta-punta da euskal pilotako jokoetan ederrena, eta horixe aukeratu dugu pieza akrobatiko-koreografiko hau sortu eta forma emateko. Euskal identitatea sortzeko erreferentzia sinboliko nagusia izan da pilota, eta talde sorkuntzaren eta adierazpenaren forma erritual eta estetiko zehatzak hartu ditu, munduan egoteko kultura adierazpen berezi gisa. Jokalariek erabiltzen dituzten koloreak, gorria eta urdina, bat datoz euskal aurkakotasun nagusien historia markatu dutenekin. Dantzari-pilotariak bere jokoaren eta errepertorioaren trebetasunak erakusten ditu gorputzaren adierazpen ahalmenetik landutako eboluzio arinenen bidez. Jarraitzea eta jazartzea –azeriaren trikimailua– izan ohi da pilotalekuko ehiza-jolasa, eta dantzari ezkerrak maila gorenera eramaten du tranpa koreografikoaren dotoretasuna.

• Koreografia: Faustino Aranzabal

• Dantza-maistra eta jantzien diseinua: Idoia Ibarzabal

• Musikaria: Juan mari Beltran

• Dantza egitaraua: Arrabiten Zurdetan – Ilbete dantza – Sigi-Sagan – Erromeria

• Dantzariak: Claudia Erentxun, Josu Sagardia, María Pérez, Harkaitz Ardanaz, Enara Lardizabal, Naroa Conde, Maddi Llorente, Marta Buendia, Jone Muniategiandikoetxea, Lide Muniategiandikoetxea

• Antolatzailea: Get In |CaixaBank