Agenda

*KaldeArte 2024 jaialdiaren barne.

Bi saio: 12:30 eta 19:00

Zenbatetan izan duzu ez duzun hori behar izatearen sentsazioa? Zenbatetan ibili zara gelditu gabe bueltaka eta bueltaka falta zaizun horren bila? Gizakion betiko asebete ezina, gure bizia bete-betea soilik BALDIN ETA… izango denaren uste hori.

BUELTAXKAk ikuslea gelditzera behartuko du, bueltak emateari utzi eta bilaketa etetea behartuz. Hor kanpoan besterik ez dagoela gogoraraziko digu, dena hau dela, baina baita honek merezi duela ere.

• Zuzendaritza : OSA+MUJIKA
• Koreografia: Jaiotz Osa 
• Interpreteak: Jaiotz Osa, Rafke Van Houplines
• Jantziak: Xabier Mujika
• Musika: Gartxot
• Bideo eta Argazkiak: Etanowski

You Are Not Machines pieza performatiboa da, bi gorputzek diskurtso bat fisikoki nola interpreta dezaketen aztertzen duena. Interpreteek elkarrekin hitz egiten dute eta soinuarekin elkarrekintzan dihardute. Gorputzekin batera, testu harrigarri eta ausarta, egoera ludiko baten bidez arakatzen dena, betiere antzezpen literalaren eta mugimendu erritmikoaren ertzean.

Interpretazioa: Alessandra Rossi, Beatrice Biondi

*Pasaiako Dantza Festibala 2023ren barruan.

Ideia bat sortu, denbora, ideia suntsitu. Etengabe gertatzen zaigun zerbait da eta guk vals batekin erantzuten diogu. Absurdoaren erreinuan elkar aurkitu arte. 

Bila eta bila, froga eta froga ibili ondoren hasierako ideiara itzultzearen sentsazioa. (Edo) Ideia ona da, (edo) zuk ez duzu ideia hoberik. 

Zentzugabekeriak jositako 3/4ko konpas zentzudunek zirrara eragiten digute, mugitu egiten gaituzte. Itsasoaren tripak mugitzen diren moduan hau bare dagoenean. 

Gure arteko hizkuntza deszifratzen ari gara, lortzen dugunean berriz ere hasieratik hasteko. Kodigoa biluztearen arriskua hartu eta gordinik zerbitzatzea erabaki dugu, plater sakon edo zapalean joango den jakin beharrik gabe. 

Lasai, sagarrak irensten lagunduko digu. 

Hau da Remedios Vals, gurekin dantzatu nahi? 

• Sorkuntza eta interpretazioa: Jone Amezaga eta Manu Gaigne 
• Jantziak: Jone Amezaga eta Manu Gaigne 
• Irudiak: Etanowski
• Eskerrak: Dantzagunea, Garaion, Azala, Lizartzako Udala

*Pasaiako Dantza Festibala 2023ren barruan.

Norbanakoaren esentzia  mantenduz, besteekin elkarreragiterakoan sor daitezken lengoai eta mugimendu adierazpen berriez hitz egiten du BIAK BAT ikuskizunak.

Ikuskizun honek, gure identitatearen eraketa eta garapena irudikatzen du popping, hip hop eta house dantza estiloen bitartez. Beti ere dantza urbano hauek amankomunean duten aspektu soziala kontuan izanda.

• Dantzariak: Maialen Mendes, Ananda Berasarte

*Pasaiako Dantza Festibala 2023ren barruan.