Agenda
Bizkaiko Dantzari Eguna 2023
2023/05/21 10:30
Urduliz
Bizkaiko Dantzari Eguna Urdulizen ospatuko da Maiatzaren 21ean
Egitaraua
- 10:30 Kalejira
- 11:30 Dantza taldeen ekitaldia. "Aita Gotzon" kalean. Dantzari-dantza: agintariena, zortzinangoa, ezpata joko txikia, banangoa, binangoa, ezpata joku nagusia, launangoa, makil jokia, txontxongiloa / Gipuzkoako dantzak: agurra, boastitzea, makil txikiena / Txiki eta ertainentzako dantzak: Txulalai, Zazpi Jauziak, Zapatain dantza eta Baztango esku dantza / Ibarzabal / Eltziegoko dantzak: Correcalles, La danza, Cuatro calles, Arbol eta Jota / Gorulariak: Domingillo, arku-dantza / Jauziak (txiki-ertainak): Marianak, Grabo eta Larraburu / Kaixarranka /Larrain-dantza.
- 16:30 Erromeria Luhartz Taldearekin
San Roke ezpata-dantza eta soka-dantza
2023/05/21 11:00
Deba
Maiatzeko hirugarren asteburuan ospatzen da Debarren eguna. Igandean, San Roke ermitan ezpata-dantza egingo dute 11:00etako mezaren ondoren eta plazan aurreskua aterako dute 12:30ak aldera Gure Kai dantza taldearen eskutik.
Udalbatzaren soka-dantza
2023/05/21 12:00
Beasain
Loinazko jaietako igandean udalbatzak soka-dantza egingo du herriko plazan. Beasaingo Loinazko jaietan hamaika dantza hitzordu eskaintzen dituzte herritarrek. Hona hemen hitzorduak:
Dantza, Beasaingo Loinazko jaietan:
Maiatzak 21, igandea
- 12:00 Udalbatzaren soka-dantza
Maiatzak 22, astelehena
Maiatzak 23, asteartea
- 12:00 Umeen soka-dantza
- 19:00 Helduen soka-dantza
Zirkozaurre: Harreman
2023/05/21 12:30
Leioa, Boulevard Ikurriña
Harreman Zirkozaurre konpainiaren ikuskizuna da, zirkua eta euskal musika tradizionala lotzen dituena; ezberdinak itxuraz, bi mundu horiek gauza asko dituzte amankomunean. Harreman ikuskizunak bidaia proposatzen du, sustraietan, identitatean barrena. Ibilbide honetan zirkuko teknikak berrasmatu egiten dira gure melodia ezagunenekin besarkatzeko eta agerraldia emozioz eta konplizitatez betetzeko. Harreman. Hartu eta eman. Partekatu. Harremanak izan, elkarrekin harremanak izan. Memoria atzera bota eta, aldi berean, aurrera begiratu, eta gure buruari amain eman.
- Egilea: Zirkozaurre, sorkuntza kolektiboa
- Zuzendaritza: Jorge Silvestre
- Musika: Gotzon Goiri
- Eszenografia: Gorka Pereira
- Koreografia: Gorka Pereira
- Aktoreak: Gorka Pereira, Imanol Suso, Javi González, Mar García, Ibabe Beristain, Gotzon Goiri, Diego Riveras
* Leioako Umore Azoka 2023 Jaialdiaren barruan.
Euskal Jaia Eibarren
2023/05/21 12:30
Eibar, Untzaga
- 12:00etan Urkizutik kalejira abiatuko da.
- 12:30ean Untzagan (eguraldi txarra balego Errebalen) dantza jaialdia: Kezka, Txindurri eta Elai Alai.
- 17:30 Erromeria Inguma taldearekin.
Informazioa: Dantza Eibarko Euskal Jaian 2023
Andoni Aresti Dantza Eskola
2023/05/21 18:30
Leioa, Errekalde plaza
Andoni Aresti Dantza Eskolak proposatzen duen lana, nazioarte mailan ibilbide garrantzitsua izan duten irakasle ezberdinek diziplina anitzeko eskola gazte honetan sortutako estilo ezberdinetako lan koreografikoetan oinarritzen da. Irakasleok formakuntza eskaintzen diete bai etorkizunean dantzari profesionalak izango diren ikasleei eta baita dantza mota ezberdinenganako pasioa daukan edozein pertsonari ere.
- Egilea: Andoni Aresti
- Zuzendaritza: Andoni Aresti
- Koreografia: Andoni Aresti, Alessandro Bizzi, Arkaitz Pascuas, Nagore de las Cuevas, Laura Cobo, Ma José Bayon, María Martín
- Jantziak: Saioa Matxain
- Dantzariak: Andoni Aresti Dantza Eskolako ikasleak
Cielo Raso: Hamaika
2023/05/21 19:00
Donostia, Gazteszena
“Hamaika neke, hamaika indar”
Konpainiaren hamaika urteko sorkuntza-ibilbidea nabarmentzen duen areto-pieza bat da Ha^mai¨ka`. Malgua da, eta desberdintasunari, generoari eta askatasunari gorazarre egiten die. Bortitza da koreografia-lana, baina begirada jantzia eskatzen du mintzaira horrek, eta zeuri esker baino ezin gertatu hori.
Fikzioaren eta errealitatearen artean dabil Hâmaïkà, ez oso modu serioan. Fikzioa eta errealitatea nahasten direlarik, magia sortzen da.
- Koreografia, zuzendaritza eta ekoizpena: Igor Calonge
- Dantzariak: Ainhoa Usandizaga, Emma Riba, Víctor Fernández y Marti Güell
- Zuzendaritzako laguntzailea: Gabriel F.
- Argiztapena: Sergio García
- Jantziak: Amalia Elorza
- Iraupena: 55 min
Kubako Ballet Nazionala: Programa konbinatua
2023/05/21 20:00
Bilbo, Euskalduna Jauregia
Kubako Ballet Nazionala munduan diren dantza-konpainia ospetsuenetariko bat da, eta leku nabarmena du Hispanoamerikako kultura garaikidean. Ballet honetako dantzarien maila tekniko-artistikoari eta balleteko koreografoek asmamen estetikoan erakusten duten askotarikoari esker, leku ezin nabarmenagoa du mundu osoan arlo honetan diren erakunde handien artean.
Alicia Alonso Prima Ballerina Assolutak sortu zuen 1948an, Habanan. Bera izan zen koreografoa, maistra eta lehen dantzaria, eta tradizio erromantikoari eta klasikoari errespetua erakutsiz ekin zion ildo estetikoari, baina horrez gainera bultzatu egin zuen arlo nazionalean eta garaikidean bilaketan ari ziren koreografoen sorkuntza-lana.
Gaur egun, Viengsay Valdés prima ballerina da Kubako Ballet Nazionalaren zuzendari artistiko eta nagusia, eta Balletak, sortu zeneko 75. urteurrena ospatzeko, lau piezak osatutako programa bat aurkezten du, 107 minutuko iraupenekoa, nazioartean ospe handia duten koreografo nabarmenek sortua.
Love Fear Loss, Edith Piaf kantari frantsesaren pertsonan inspiratua, Ricardo Amarantesen koreografiarekin, Flandesko Royal Ballet-ek 2012an estreinatua.
Hiru preludio, Sergei Rakhmaninov konpositore errusiarraren piezak, pianorako (Op. 32 10.a, Op. 23 1.a, eta Op. 32 9.a), zeinek Ben Stevensoni bere lan ezagunenetako bat inspiratu baitzioten, Harknees Youth Companyk 1969an estreinatua.
Concerto DSCH, Balanchiniren eragin handia duen ballet abstraktua, Alexei Ratmanskiren koreografiarekin eta Xostakovitxen kontzertu batean inspiratua: 2. Kontzertua, Fa Maiorrean, piano eta orkestrarentzat, Op. 102, New York City Ballet-ek New York State Theatre-n 2008an estreinatua.
Zazpigarren sinfonia, Uwe Scholz-en koreografia, Ludwig van Beethoven-en musika, 7. Sinfonia La Maiorren, Op. 92, Sttugart-eko Balletak estreinatua Sttugart-eko Estatu Antzokian, 1991n.
