Agenda

Urtarrilaren 15ean hasi eta apirilaren 22an bukatuko dira 2023ko maskaradak, Maule-Lextarreko gazteek emanak. Guztira 15 emanaldi lotu dituzte. Lau hilabetean zehar, asteburuz asteburu, Zuberoako 13 herri bisitatuko dituzte hiriburuko gazteek. Ohi den legez, lehen eta azken saioak etxean izango dira, aurten, Maulen.

Maskaradak 2023 Egutegia

• Urtarrilak 15, igandea: Maule-Lextarre (Lextarreko plazan)

• Urtarrilak 22, igandea:  Atharratze

• Urtarrilak 29, igandea:  Pagola

• Otsailak 5, igande: Mendikota

• Otsailak 11, larunbata: Gamere

• Otsailak 19, igandea: Ürrüstoi

• Otsailak 25, larunbata: Altzürükü

• Martxoak 4, larunbata: Muskildi

• Martxoak 11, larunbata: Idauze Mendi

• Martxoak 19, igande: Zalgize

• Martxoak 26, igandea: Urdiñarbe

• Apirilak 2, igandea: Larraine

• Apirilak 9, igandea: Barkoxe

• Apirilak 16, igandea: Sohüta (Hokin)

• Apirilak 22, larunbata: Maule-Lextarre (Maule gaineko arrabotüan)

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Joaquin Cortes bere esentzia erakusteko itzuli da. Bere ametsen alde borrokatzera, zailtasunak gainditzera, kritikei aurre egitera eraman zuen haurra, nazioarteko figura bihurtu arte. Espainiako dantzaren munduko lehenak bere ikuskizun berria aurkeztuko du bira paregabe eta ahaztezin batean, 30 artistarekin batera.

Arnasketa bakoitzeko, malko bakoitzeko eta izerdi-tanta bakoitzeko, Aitzindariak milaka emakume elkartzen ditu dantza-esperientziaren aitzakiarekin. “Clichea” du lagun eta generoari buruzko aurreiritziak suntsitzen ditu.
Berdintasunaren aldeko borroka hasi zuten emakume aitzindariak omentzen ditu, borrokan jarraitzen dutenei laguntzen die eta irabazteko aukerarik izan ez zutenak oroitzen ditu.
Modelatzea eta naturaren poetika baliatuz, Aitzindariak ateak irekitzen dizkio ikusleari arima indartsu eta borrokalarien unibertsoan sar dadin, norbanakoa maitatu eta errespetatzen duen munduan barnera dadin, baina, batez ere, gizakiaren indibidualtasuna eraldatu nahi du gizarte berdinzalea erdietsi nahian.

Oso soslai desberdineko dantzariak biltzen dira agertokian, eta kolore sorta askotariko hori gizarteko aniztasunaren isla da: ijito-sustraiko dantzari bat, akondroplasia duen beste dantzari bat, gaztetasunaren indar guztia eta bere ahultasunak eta bere belaunaldiarenak dituen interprete bat, bere ekarri guztiarekin, bere ibilbide eta adinarekin.

Orainaldi honetatik, non gizakiak, itxura hutsen distirak itsuturik, bidea galdu baitezake, Gold elkarbizitzarako, tolerantziarako, aniztasunerako eta norberaren burua onartzeko gonbita da. Gune bat da, non norbanakoak, bere zaurgarritasuna eta guzti, aurre egiten baitie bizitzako erronka eta trabei, edertasuna ere ahultasunaren parte baita. Pieza hau jaio da ikus-entzuleen bistan jartzeko ezen gizaki guztiak direla sentiberak eta hauskorrak, baina baita indartsuak, harroak, sortzaileak eta hobetzeko gogoa dutenak ere.