Agenda

Dferia 2023 erakustazokaren barruan.

Bi saio: 13:00 + 16:45

Hiru dantza piezak osatutako emanaldia:

Continuum (Cuba)

Zenbat eta garbiagoa eta lasaiagoa izan gure kontzientzia, orduan eta prestatuago egongo gara heriotza prozesu natural eta saihestezina bezala onartzeko. Heriotzak ematen dio zentzua bizitzari, badakigu haren berri bizirik gaudelako, hemen eta orain.

• Koreografia: Niosbel Osmar González Rubio.
• Interpreteak: Julio José León Torres.
• Musika: Pepe Gavilondo, Sarah Gutiérrez, Los escondidos abestia Joao del Montek osatu eta interpretatua.

The conversation (Italia)

Energia batek erakarrita, inguruan dagoenaz jabetzen ez diren bi izaki bizidunek elkarrizketa isil batean elkar ezagutzen dute, edertasuna eta beren espazio pertsonal eta intimoa partekatzeko zailtasuna aztertzera eramaten dituena. Oreka hauskor hori bestearen gainetik jartzeko senak hausten du: ez entzuteak eta ez enpatizatzeak beren askatasuna oztopatzera eta erreprimitzera eramaten ditu. Bereizketaren bidez, beren indibidualtasuna berraurkitzen dute eta euren artean erlazionatzeko beharra ulertzen dute, baina oraingoan kontzientzia heldu batekin, gorra izateari uzten dion elkarrizketa batean, sakonki barnekoi bihurtzeko.

• Koreografia, interpreteak: Giovanni Matteo Patruno, Alessandra Ruggeri.
• Musika: Kangding Ray – NN/Peaks Flore - Coded Language Dictaphone - The conversation.

Raiz (Espainia)

Nire erosotasuna hasten den lekuan nire askatasuna amaitzen da. Nortasuna izateko bizioak hartzea da egiten dudana, ez al dugu denok egiten? Zerbaitek balio dit eta hobeto sentitzen naiz, mina baretzen du, orduan errepikatzen eta errepikatzen hasten naiz deskubritzen nauten arte eta ezin dut ezkutatu, orain are min handiagoa ematen du, agian pasatzen utzi beharko nuke eta berriro errepikatzera mugatu.

• Koreografia, dantzariak: Chey Jurado (José Jurado Giles).
• Musika: Noon Hill Wood Richard Skelton // Origin of the World, Erik Truffaz and Murc.

Loraldia 2023 jaialdiaren egitarauaren barruan.

Logela Multimedia eta Circle of Trust konpainiek sormen-indarrak batu dituzte eta biziki ikusgarria den ikuskizun berritzaile bat plazaratu dute. Dantza, interakzioa, bideo sorkuntza eta musika uztartzen dituen sorkuntza.

Logela Multimediaren arte bisualek eta Zaragozatik datorkigun Circle of Trusten break dance harrigarriak bat egingo dute eszenan. Irudimenak eztanda egingo du erabat garaikidea eta gaztea den sormen-lan honen baitan.

1940ko hamarkadan, bigarren mundu gerra piztu zen bitartean, Parisko kafetegiak hainbat diziplinatako artisten topaleku ziren. Horiek korronte artistiko berri bat sortu zuten: surrealismoa.

Artista surrealisten ezaugarrietako bat inkontzientea irudimenaren iturria dela erakustea da. Logela Multimedia eta COT konpainiek ezaugarri horiek ikertu eta artista horien lana berrinterpretatzen dute XXI. mendeko hizkuntzaren bidez: SUiRREALISMOA.

 Taldea