Agenda

Urtarrilaren 15ean hasi eta apirilaren 22an bukatuko dira 2023ko maskaradak, Maule-Lextarreko gazteek emanak. Guztira 15 emanaldi lotu dituzte. Lau hilabetean zehar, asteburuz asteburu, Zuberoako 13 herri bisitatuko dituzte hiriburuko gazteek. Ohi den legez, lehen eta azken saioak etxean izango dira, aurten, Maulen.

Maskaradak 2023 Egutegia

• Urtarrilak 15, igandea: Maule-Lextarre (Lextarreko plazan)

• Urtarrilak 22, igandea:  Atharratze

• Urtarrilak 29, igandea:  Pagola

• Otsailak 5, igande: Mendikota

• Otsailak 11, larunbata: Gamere

• Otsailak 19, igandea: Ürrüstoi

• Otsailak 25, larunbata: Altzürükü

• Martxoak 4, larunbata: Muskildi

• Martxoak 11, larunbata: Idauze Mendi

• Martxoak 19, igande: Zalgize

• Martxoak 26, igandea: Urdiñarbe

• Apirilak 2, igandea: Larraine

• Apirilak 9, igandea: Barkoxe

• Apirilak 16, igandea: Sohüta (Hokin)

• Apirilak 22, larunbata: Maule-Lextarre (Maule gaineko arrabotüan)

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Hazparnen libertimendua egingo dute martxoaren 11n. Dantzari dotore, garbi eta mutuek pixkanaka zirtzil ilun, zikin eta kritikoen lekua hartuko dute  eta bertsolariek narratuko dute plazan gertatzen dena.

Sestaoko Eusko Lorak taldeak bere urteurren dataren inguruan ezpata-dantza egingo du martxoaren 11n. Taldearen lehenbiziko dantzaldian Durangaldeko ezpata-dantza egin zuten, duela 65 urte baino gehiago, eta oraingo honetan, ezpata-dantzaren laugarren aldian, zaharberrituta ikusiko dugu. San Migel egunez ere egin izan duten ezpata-dantzatik abiatuta, martxora ekarri dute erritu-dantza hau, urtearen ekinokzio bietan hezurmamiturik.

Arte eszenikoetako ikus-entzulearen papera, artxiboa eta antzerki-esperientziaren memoria indibidual zein kolektiboa ikertu eta haren inguruko gogoeta egiten duen proiektu eszenikoa. Zer gogoratzen du ikus-entzuleak? Zerk utzi dio lorratza? Zerk egiten du antzokira itzul dadin? Horregatik, prestaketa eszenikoa besaulkien patioan kokatzen da eta ez “eszenarioan”; hain justu, hartatik tokiko ikus-entzule zenbait protagonista bilakatzen dira beren memoriak zuzenean kontatuz.

Bestalde, ikus-entzuleari eta bere esperientziei espazioa eta esangura emateko arte eszenikoetako ikus-entzule ezberdinak gonbidatzea erabaki genuen beren antzerki-memoriak partekatu eta horietako zenbait eszenaratzerako baliatzeko, antzerki-esperientzia egintza komunitario modura ulertuta, egile, obra eta ikus-entzuleek parte-hartze bera izanik eratzen den gertakizuna. Ikus-entzulearen begirada azpimarratzeko, prestaketa eszenikoa irauli egin dugu ekintza besaulkien patioan lekutuz, eszena hutsik utziz memoriari deitu eta berau proiektatzeko eremu gisa. Horrela, egile/dantzari rola eszenan piezako oso une jakinetan azaleratzen da, kontrapuntu modura.

• Kontzeptua eta sormena: Javier J Hedrosa eta Nestor Garcia
• Kolaboratzaileak: Rafael Ridaura eta Jose Julian
• Bidelagun: Tatiana Clavel
• Kanpo begirada: Sofia Asencio
• Argien diseinua: Diego Sanchez
• Ekoizpena: Javier J Hedrosar
• Babesleak: Graners de Creació, Espai Inestable, Dansa València, La Nau Ivanow (Bartzelona), Centro Coreográfico de la Gomera, IVC.
• Eskerrak: Santi de la Fuente, Laura Pastor, Fernanda Medina, Teatro de lo Aus- ente, Itziar Barriobero.

(Ama) izan, ala ez izan.
Izan ere, izatekotan,
nola eutsi izanari?
Izan ala ez izan (ni), ama izanik.
Izan ala ez izan?
Edo...
Izan nola?

Amatasunaren inguruko hausnarketa bat kontatzeko musika, kantua eta dantza uztartzen duen ikuskizun bat da AMAraun.

Proiektu artistiko bezala berritzailea iruditzen zaigu bertsoa eta dantza elkarrizketan baliatzea, baina ez bakoitza bere aldetik, kontakizun baten elementu banaezin bezala baizik.

Fitxa

Sorkuntza eta ideia nagusia: Oihana Iguaran, Amaiur Luluaga
Gidoia: Oihana Iguaran
Koreografia: Amaiur Luluaga
Bertsoa eta ahotsa: Oihana Iguaran

LOF Ladies on Fight dantza-ikuskizun tragikomikoa da, eta emakumezkoen borroka librearen formatua du. Ring bat, lau borrokalari, final bat, eta batek bakarrik irabaz dezake.

Dantza eta umorea uztartzen dituen borrokaldian zenbait gai jarriko dira soken kontra: prekarietatea, lehiakortasuna, eguneroko sexualizazioa… Ikusiko dugu borrokalariak noraino heltzeko gai diren irabazle izateko. Nor duzu gogokoen?

• Sorkuntza eta testuak: Eva Guerrero

• Antzezleak: Garazi Lopez de Armentia, Leire Otamendi, Begoña Krego, Helena Wilhelmsson eta Estibaliz Villa

• Koreografia: Talde-sorkuntza

• Jantzien diseinua eta artea: Azegiñe Urigoitia

• Argiztapenaren diseinua: Arantza Heredia

• Musika-konposizioa: Nerea Alberdi eta David S. Damián

• Makillajea eta ile-apainketa: Iratxe Artaza eta Ana Vega

• Produkzioa: Jemima Cano

• Diseinu grafikoa: Higi Vandis eta Curruscu

• Banaketa: Rocío Pindado-Portal 71

• Laguntzaileak: Alvaro Orellana eta Nerea Vesga Elizalde

Bertako Fest 2023ren barruan.

"El arte de no ser" zirriborro poetiko bat, menpekotasunaren esperientzian zehar bidaia fisikoa. Izatearen aldarteak koloreztatzen dituen hutsunea, isiltasuna, automatismoa, estresa, antsietatea, emozio eta sentsaziotik igarotzea. Pertsonaia eta objektu bat, telefonoa, eta mundu oso bat aitzinean, non existentzia berez beharrari lotuta dagoen. Telefonoa, mendekotasuna eta pertsonaiarekin duen harremana bultzatzen duen guztiaren paraleloa, bakardadearen betiko tabuaren alegoria.

• Zuzendaria eta ideia: Aiala Etxegarai
• Zuzendari laguntzailea: Judit Ruiz
• Aholkularitza artistikoa: Guillermo Weickert
• Dantzaria: Aiala Etxegarai
• Akonpainamentu aktorea: Ena Fernandez
• Akonpainamentu fisikoa: Judit Ruiz, Oihana Varela, Julen Aranzabal
• Jantzia: Naiara Hernandez
• Soinu-espazioa: Itziar madariaga
• Erresidentziak artistikoak: Harrobia, garaion sorgingunea, Arriguana sala (muxikebarri antzokia), Arriola, kurtzio kultur etxea, DV8 faktoria sorkuntza, Arima dantza eskola.