Agenda

Dantzaldia Patxi eta konpaniarekin.

Muxikoak Errenterian datorren igandean, azaroak 12, igandea. Muxikoak dantzatzeko aukera izango da Herriko Plazan (Koldo Mitxelena ikastetxeko patioan euria egingo balu) Beti Prest taldeak antolatuta.

Beasaingo Aurtzaka dantza taldearen eta Zuberoako hainbat dantzari gaztek osatzen duten Txingili taldearen emanaldiak izango dira Lurrama, laborantza herrikoia eta iraunkorra bultzatzea helburua duen azokan. Hiru eguneko egitaraua antolatu dute Biarritzeko Irati azkoa gelan eta dantza emanaldiak igande arratsaldean izango dira, 17:00etan hasita.

ESNA familia osoari zuzendutako antzerki-dantza proiektua da, non esperimentua esperientzia bihurtzen den. Bi gorputz taularatuko dira, pertsona bakarra interpretatzeko, mila aurpegi izan ditzakeen pertsona bakarra.

• Egileak: Marie de Jongh & DOOS Colectivo

• Zuzendari: Jokin Oregi

• Koreografia: Eva Guerrero

• Jokalariak: Denis Martínez y Olaia Valle

• Jatorrizko musika: Nerea Alberdi y David. S. Damián

• Música grabada y mezclada en los estudios Blue Bayou

• Argiztapena: Arantza Heredia

• Teknika: Edu Berja y Unai Barrio

• Kanpoko begirada: Ana Meabe

• Produkzio exekutiboa: Jemima Cano y Pío Ortiz de Pinedo

• Komunikazio: Irene Zarrabeitia y Eider Zaballa

• Banaketa: a+ Soluciones Culturales

Zertan sinetsi, gure XXI. mendeko hutsunea baretzen saiatzeko?

Autoesklabotzaren ereduaren bitartez, Shinek gorputzaren objektualizazioa, hedonismoarekiko adikzioa, epelaburtasuna eta ihesbidearen bilaketa etengabea lantzen ditu.

Erritu etsia, galdutako fedearen bila.

Nola egin dezakegu distira, jada gure buruarengan sinesten ez badugu?

Shine antzezlanak estasia eta gorputzaren martirioa ikertzen ditu. Martirio hori zaharkitutako elementutzat du bizi garen gizarte turbokapitalista honetan. Tekno musikaren zalaparta burrunbatsuak eta zertan sinetsi bilatzen dutenen saetek zoratuta, zortzi gorputz estasiaren arrakastapera erortzen dira -estasia funtsezko droga baita enpatiarik gabeko munduan ibiltzeko- eta gure orainak zuzendutako koreografia lantzen dute: erritual berriak, zenbait kultu grinatsu eta asmatutako erlijioak hartu beharra.

Shinek gure gizarte-linboa irudikatu nahi du, non gure espiritualtasuna zehazten saiatzen baikara dena-segituan-orain diktamen horri jarraiki. Antzezleek ziklotimia dantzatzen dute, iraganetik datorren depresioak eta etorkizunetik etorriko den antsietateak txikituta. Fede bila ari dira, baina, ilargi betearekin gertatu bezala, mugikorrek ezin diote hari argazkirik atera.

Dantzatzeko aukera da, zaurien modura gutako bakoitzaren bularrean ezarri den hutsunea dantzatzeko aukera. Gure buruari jarri diogun arantza-koroak galdutako distira topatzeko azken itxaropena.

• Zuzendaritza: Judith Argomaniz.
• Dramaturgia: Fernando Epelde.
• Interpreteak: Garazi Etxaburu, Leire Otamendi, Jone Amezaga, Seth Buckley, Ioar Labat, Puy Barral, Ángela Arrieta, Mikel Casal.
• Ahotsa eta testua: Puy Barral.
• Musika sorkuntza: Fernando Epelde.
• Jantzien diseinua eta gauzatzea: Xabier Mujika.
• Argien diseinua: Javier Ruíz de Alegría.
• Eszenografia diseinua: Ikerne Gimenez.
• Argazkiak eta bideoa: Renata L. ETANOWSKI.
• Ekoizpena: Marina Camacho.
• Banaketa: Emilia Yagüe Producciones.
• Komunikazioa: Nerea Kortabitarte.

Zakurrak proposamen bat da, errepikapenaren hersturatik irudien segidaren lilurara doana. Irudiak: iraganetik ebatsiak eta biharrera boteak; oraingoak, eta iraganaz lerdatuak; plastika garaikidetik zaharkitutako formara, lurrekora, denbora eta hizkuntzen nahas-mahas atergabean.Dantza grinatsu baten erakusketa, bere zentzurik behinena errepikapenean eta katarsian aurkitzen duena: lehertu arte dantzatu, abaildu arte zaunka egin, akitu arte bizi. Norbera aurkitzeko, bere buruaren isla bestearengan ikusten duen gizakiaren kontakizuna. Bi gizon besarkatuak.Bi gizon dantzan, dena bukatu eta dena berriro jaio arte