Agenda

“Otempodiz” (euskaraz, Denborak dio) bi norabideko truke-proiektu eta sorkuntza artistiko baten emaitza da, eta Mozambike eta Euskadi artean agin da. Proiektu honen bidez, lan-aukera bat eman nahi zaie Maputoko bi dantzariri, dantzaren nazioarteko zirkuituetan beren kontura ibiltzeko oinarrizko tresnak izan ditzaten.

DYE DYE

Hitzek, mugimenduek, emozioek, esperientziek eta beste pertsona batzuekiko interakzioak gure esentzia bustitzen dute eta kolore ezberdinez betetzen dute. Gure tonalitateen bidez besteen esentziak inpregnatzen ditugun bezala.

Tonalitateak ez dira mugiezinak; pertsonen esentziak ere ez. Aitzitik, biak tindatu, diluitu eta etengabe urtzen dira tonalitate berriak sortzeko. Kolore berriak.

DYE DYEn bi pertsonak topo egiten dute eta elkarri erakusten diote beren kolore-paleta, beren jakinduria, beren bizitza; urtu eta ortzadar berri bat sortu arte.

San Telmo bizi

• maitzak 14, ekainak 10, uztailak 8 eta 29 - Chillida eta Oteiza dantzan. Kukai
• abuztuak 27 - San Telmo Gaua
• irailak 14 - Chillida y Oteiza. Escultura y poesía

Proiektu artistiko bezala berritzailea iruditzen zaigu bertsoa eta dantza elkarrizketan baliatzea, baina ez bakoitza bere aldetik, kontakizun baten elementu banaezin bezala baizik.

Ez dugulako bertsoa dantzatuko, edo dantza bertsotan emango. Istorio bat kontatuko dugu eta horretarako eskura dugun lengoaia guztia baliatuko dugu: musika, gorputza, ahotsa, hitza, espazioa, eszena... Erronka gisa ikusten dugu figurak lausotzea ere, dantzaria kantura ekarriz eta bertsolaria dantzara. Ez dugu hain uztarketa esturik egin duen ikuskizun eszenikorik ezagutu euskaraz

• Sorkuntza eta ideia nagusia: Oihana Iguaran, Amaiur Luluaga
• Gidoia: Oihana Iguaran
• Koreografia: Amaiur Luluaga
• Bertsoa eta ahotsa: Oihana Iguaran
• Musika ekoizpena: Eñaut Zubizarreta
• Jantzien arduraduna: Ramón García
• Irudia: Iurre Aranburu
• Ekoizpena: Lanku Kultur Zerbitzuak
• Babesa: Anoetako Udala, Villabonako Udala
• Eskerrak: Axut, Artedrama, Dejabu Panpin Laborategia
• Lekua: espazio txiki zein irekietarako ikuskizuna
• Iraupena: 50 minutu