Agenda

Astigar dantza taldeak eta Eltziegoko dantza taldeak emanaldia eskainiko dute apirilaren 3an, Foru plazan, eguerdiko 12:30ean. Eltziegoko dantzariek Eltziegoko dantzen zikloa eskainiko dute eta Astigarrekoek dantzari-dantza eta Arizkungo sagar-dantza.

“Room” dantza garaikideko proposamena da. Ingelesez, “espazioa” eta “gela” esan nahi du. Bi kontzeptu horiek kontuan izanik, esperientzia pertsonal batetik sortu zen pieza hau. Hainbat urte kanpoan eman ondoren etxera itzultzetik. Etxe bat, espazio propio bat sortu nahi horretatik. Norberaren espazioa miatu eta ulertzetik. Espazio horretan bizitzetik. Neure etxea neure baitan nola sortu dezakedan ulertzetik. Zein da nire espazioa, nire tokia? galderari erantzutetik.

• Sorkuntza eta antzezlea: Almudena Pérez 

• Laguntzak: Eusko Jaurlaritza, Dantzalabea, Centro Danza Ana Rosa Tercero

* BLV-ART 2022 jaialdiaren barruan.

Off ahots batek Giza Eskubideen Adierazpena errezitatzen du.

Orbainez, oroitzapenez eta esperantzaz beteriko gorputz hau mugitzen hasiko da.

Gizakion bizitza gogorra da, gizartearen ikuskizun degradatu osoari begirada garbiz so egiten badiozu. Eta halere, gorputzak abesten du…

• Sorkuntza eta antzezlea: Ana Capilla 
• Musika: Max Ritcher
• Ekoizpena: Cia. Ana Capilla
• Laguntzak: Garrobi

*BLV-ART 2022 jaialdiaren barruan.