Agenda

Inauterietako igande edo Zaldunitan ateratzen dira Abaltzisketako txantxoak, mozorroa, zesteroa eta soinujolea puska biltzean baserrietan eta herrian ere. Etxe bakoitzaren atarian erratza pasa eta txantxoen makila-dantza eskaintzen dute. Goizeko 8etan elkartzen dira herriko plazan prestaketa lanari ekiteko eta ondoren hasten dira baserriak bisitatzen. Txantxoek makila-txiki deritzon makil-dantza bat egingo dute.

Inauterietako larunbat eta igandean ateratzen dira Amezketako talai-dantzariak eskean. 2016an hasi ziren larunbat eta igandez ateratzen, ordura arte inaute igande eta astelehenez ateratzen baitziren makil-dantza dantzatu eta puskak biltzera. Bedaio eta Amezketako baserrietatik egiten dute etxez-etxekoa.

Tokiko inauteri ohiturak eta bertako zein inguruetako hainbat talderen kontzertuek eta ikuskizunek bat egingo dute datozen egunetan Herri Soinu elkarteak antolatutako Hartzaro festibalean.

Hartzaro 2022 Egitaraua

Otsailak 11, ostirala

• 19:00 Heraitze auzoan Eskola inauteriak. (martxoaren 4ra atzeratua)

• 20:30 Heraitzeko kaperan Adar taldearen kontzertua. Dohainik.

Otsailak 12, larunbata

• Baionan kaskarotak etxez etze, Izartxo taldea.

• 20:30 Arrauntzako elizan Le Nehe Akizeko harmoniaren kontzertua, Gorka Robles eta Uztaritzeko gaiteroak. Dohainik.

Otsailak 19, larunbata

• Arrautza auzoan kaskarotak etxez etze, Izartxo taldea.

• 20:30 Uztaritzeko Kiroleta ezker paretan Izartxo taldea.

Otsailak 20, igandea

• 9:00 Sain-Michel auzoan kaskarotak etxez etze, Izartxo taldea.

• 11:00 Heraitze auzoan kaskarotak etxez etze, Izartxo taldea.

• Heraitze auzoan Ur Begiren danborrada, Mutxikoak Erdizka taldeak animaturik.

Otsailak 23, asteazkena

• Uztaritzeko Latsa gelan Anekdota gaua: anekdotak Uztaritzeko kaskarotei buruz (toki mugatuak, erreserbatzea gomendatua 0769438967 zenbakira deituz)

Otsailak 24, osteguna

• 19:00 Hiribehere auzoko pilota plazan Tutak toberak, zirtzilak, dantzariak, perkusioak, Izartxo Burruna, Afrika Danbo.

• 20:00 Uztaritzeko Latsaga gelan aperitifa eta jatekoa Kukuxtu txarangak alaiturik.

Otsailak 25, ostirala

• 18:00 Uztaritzeko Latsa gelan Collette Larraibururen mintzaldia frantsesez "Quand nous chantions sous Franco" liburuari buruz; Guk, Pantxoa eta Peioren parte hartzearekin.

• 20:30 Aperitifa eta jatekoa Nat eta Watsinek animaturik.

• 23:00 Uztaritzeko gaztetxean Kakolak taldearen kontzertua.

Otsailak 26, larunbata

• 10:00 Animazio musikalak Uztaritzeko karriketan.

• Hiribehere auzoko pilota plazan Hastapenetik dantza ikusgarria. Mutxikoak Erdizka taldeak alaiturik.

Uztaritzeko Kiroleta ezker paretan:

• 16:30 Dantza ikusgarria: Izartxo, Hastapenetik, Kukai (Topa), Haatik (Ur)

• 19:00 Aperitifa eta afaria Erika Lavillard eta Leire Iriberrik alaiturik.

• 20:30 Garikoitz Mendizabal eta Aitor Furundarenaren kontzertua. Aukeran dantza konpainiaren Biz Hitza ikusgarria.

Otsailak 27, igandea

• 9:00 Kaskarot eta kaskarot ttikiak etxez etxe (Hiribehere auzoan goizean eta Purgoko auzoak eguerditik aurrera)

• 10:00 Uztaritzeko Latsaga gelan Txilindron sukaldaritza txapelketa trikitilarien eta Jarauta 69 (Iruñea) txarangak alaiturik.

• Uztaritzeko eliza atzean kaskarot taldeen biltze tradizionala.

Uztaritzeko Latsaga gelan:

• 13:30 Inauterietako bazkaria.

• 18:00 Dantza tradizionala Arberoako txaranagak alaiturik.

• 20:00 Andoni Ollokiegiren kontzertua.

Martxoak 1, asteartea

• 17:45 Hiribehereko pilota plazan Burrunka, zirtzilak, abereak, Zanpantzarren auziaren lehen partea.

       Uztaritzeko eliza atzean Maia dantzariak

       Uztaritzeko Antza plazan Hartza dantza.

• 19:30 Hiribehereko pilota plazan Zanpantzarren auziaren bukaera, dantzak, toberak.

• 20:00 Erromeria. Jan eta edan toki berean Uztaritzeko ikastolak prestaturik.

Inauteri garaiarekin batera Lapurdiko herrietan kaskaroten festak hastear dira; momentuz, Uztaritze, Beskoitze eta Donibane Lohizuneko kaskaroten irtenaldien berri eman digute. Otsaileko eta martxoko zenbait asteburutan han eta hemen ibiliko dira etxez etxe eta kalez kale eskean eta dantzan.

Kaskarotak 2022

Otsailak 5, larunbata

• Ezpeletako kaskarotak. Marine bordako bidea.

Otsailak 6, igandea

• Begiraleak taldeko kaskarotak Donibane Lohizunen goizez.
• Ezpeletako kaskarotak. Olagaineko bidea.

Otsailak 12, larunbata

• Uztaritzeko kaskarotak Baionan ostatuz ostatu.
• Ezpeletako kaskarotak. Basaburu.
  

Otsailak 13, igandea

• Ezpeletako kaskarotak. Alzureneko bidea, Kamadroen bordako bidea, Apeztegiko bidea, Gaztainbideko bidea.

Otsailak 19, larunbata

• Uztaritzeko kaskarotak Arruntza auzoan.
• Itsasuko kaskarotak etxez etxe.

Otsailak 20, igandea

• Uztaritzeko kaskarotak Heraitze auzoan.
• Itsasuko kaskarotak etxez etxe.

Otsailak 27, igandea

• Kaskarotan Uztaritzen.

• Beskoitzeko plazan kaskarotak goizez.
• Itsasuko kaskarotak etxez etxe.

Martxoak 1, asteartea

• Uztaritzeko inauteria.Zirtzilak, animalia, Zanpantzar
  

Martxoak 5, larunbata

• Begiraleak taldeko kaskarotak Donibane Lohizunen arratsaldez.
• Itsasuko kaskarotak etxez etxe.

Aratuste domekan, inauteri igandean, zaragi-dantzariak ibiltzen dira Markina-Xemeingo kaleetan Hartzak lagunduta. Zaragi-dantza egiten dute Zerutxuko dantzariek eta Hartzak panderoaren doinura dantza egiteko ahalegina egiten du, baina iheserako eta jendea beldurtzeko zaletasuna handiago du.

Aretxabaletako inaute igandean, herriko kintoak kalean zehar ibiltzen dira Txino-dantza abestuz eta dantzatuz kamisoi eta txapelarekin. 

Eguerdian koadrilak eta konparsak kaleratzen dira, eta bakoitza bere karroza, txaranga, mozorro eta zaratarekin sarzen da kalejiran. Denak doaz norabide batean, eta justo kontrako norabidean dator dozena bat ero, dozena bat kinto txino-dantzan.

Inaute igandean ospatzen dute Elegante eguna Azpeitian. Eguerdiko 12:30ean Eleganteen pasiera egiten da, herritarrak garai bateko soineko eta jazki apainekin jantzi ohi dira kalean gora, kalean behera pasiatzeko, antzinako antzera. Itsasikoen artzai-inudeen kalejira, danbor-joleekin eta San Sebastian eguneko danborradaren karrozarekin ere ikusi ahal izango dira. Juan Antxieta Musika Eskolako txistulariak eta Incansables txaranga ere kalez kale ibiliko dira.

Zaldunita arratsaldez ateratzen dira zaku-zarrak Lesakan. Plazaren albo batean dagoen lasto tontor batetik lastoa hartuz eta zakuak honekin betez jazten dira zaku-zar-gaiak. Ondoren, kalez kale ibiltzen da zaku-zar taldea, lerroan martxan doala. Makil luze bat izaten du eskuan lerro buruak eta beste makila luzea azkenak. Musika hastearekin batera hasten da zaku-zarren martxa. Puxikak batera eta bestera indarrez astintzen dituzte eta erritmo biziz gurutzatzen dituzte Lesakako kaleak. Aldian behin gelditu eta fandangoa dantzatzen dute zaku-zarrek, besoekin, oin astun horiek altxatuko dituenik ez baitago.

Aretxabaletako kintoek Santa Ageda egunean hasi eta inaute egindera arte aurreskua edo soka-dantza egiten dute igandero.