Agenda

Korosti Dantza Taldearen emanaldia. Bi emanaldi izango dira: 17:30ean eta 19:30ean.

Gertaerek izaera ziklikoa izan ohi dute. Hasiera, korapiloa, amaiera. Edo hasiera berri bat... Gertaera orok bere ondorioa baitu. HIRU (3) eraldatzeari buruz ari zaigu, begietara begiratzeari buruz, eta aukera berriei buruz. Joan-etorrien etengabeko errepikapenen eta transizio-zirrikituetako itxoitearen indarraren islada. Bidean aurkitzen dira galderak, aukerak, gorpuzkerak eta gertaerak. Zimendu zehatzetatik abiatuta, moldagarria eta eraldagarria den proposamen esperimentala, unean-unekoa. Etengabeko eraikitzean dauden bizikidetza espazioak.

Tuterako Alde Zaharreko paloteadoa emango da Elvira España eskolako patioan eta segurtasun neurri guztiak hartuta. Lau urte dira, lehen aldiz Tuterako Alde Zaharreko paloteadoa kaleratu zutela. Aurreko urtean ezin izan zuten bere horretan plazaratu, baina aurtengoan, osasun egoerak eskatzen dituen neurriak hartuta paloteado osoa aterako dute.

Haatik konpainiak ikuskizun berri bat aurkezten du. Konpainiaren lehen lana izan zenaren irakurketa eraberritu bat hain zuzen. Errimak Bi Oinetan. Bertso saio batean oinarritutako dantza emanaldia.

Unai Elizasuk eta Aiert Beobidek zuzendutako emanaldia da. Sustrai Kolina, Aitor Mendiluze, Aitor Sarriegi eta gehiagok sortutako bertsoak, Igelaren Banda zuzentzen duen Bixente Martinezek bere lan-taldearekin musikatu eta Maialen Arzallus eta Thierry Biscaryren ahotsez abesturik.

Jose Pablo Polo konpositorearen musikan inspiratuta dago Adama. Hark sortutako soinu-paisaiak bidaia bereziki erritmiko eta tribal batean barrena gidatzen du dantzari hirukotea.

Sustraiak dira gidalerro nagusia; haziaren ernalkuntzan garatzen den lehen enbrioi-organoaren bitartez eraikitzen den landarean bezalaxe. Hori da lehengaia, bizia ematen duena, lurrari lotuta irauten duena. Kontzeptu hori oso lagungarri izan zaio Mariori Adama sortzeko; izan ere, lurrean harrapatuta egotetik jaiotzen da ekintza, ondoren gorputz osora zabaltzeko. Sustraien bitartez xurgatzen da ura, sustraien bitartez elikatzen da izakia. Bigarren kontzeptu hori mugimendu koreografikora eramanda sortu eta elikatu dira piezaren gainerako osagaiak. Jarraibide horiek guztiak isurtzen dira mugimenduan, gorputzetan eta bidaia emozionalean; lurretik ateratzen uzten zaie, aske izateko eta pixkanaka akitzeko.

Dantza eta Bertsoa gurutzatzen den lekuan hasi zen sormen honen bidaia. Konpainiak sormenezko lurralde berriak esploratzen jarraitzen du eta oraingoan bertsolaritzaren soinua mugimendu garaikide bihurtzen du.

Bertso ariketa eta jokoak dantzara eramatea da emanaldi honen berezitasuna edo ezberdintasuna, eta horien bidez gaurkotasunari buruzko gogoetak plazaratzea, kantu ezagunei eta bertso sorta zahar eta berriei mugimendua emanez.

• Zuzendariak: Unai Elizasu eta Aiert Beobide
• Koreografia: Talde sorkuntza
• Dantzariak: Aiert Beobide, Amaiur Luluaga, Anne Jauregi, Iñigo Etxeberria, Irati Sorondo, Jon Arsuaga eta Nagore Zabala
• Aurkezlea eta gai jartzailea: Unai Elizasu
• Bertsoak: Sustrai Colina, Xalbador, Aitor Mendiluze, Lazkao Txiki, Aitor Sarriegi, Uxue Alberdi, Odei Barroso, Ibon Ordoñez eta gehiago
• Musika: Igelaren Banda (Bixente Martinez, gitarrak eta zuzendaritza; Amaiur Cajaraville, kontrabaxua; Hasier Oleaga, bateria)
• Ahotsak: Maddalen Arzallus, Thierry Biscary, Aitor Mendiluze, Irati Sorondo eta Anne Jauregi
• Grabaketa: Azkarate Estudioak, Jonan Fernandez
• Jantziak: Ramon García
• Karteleko argazkia eta kartelaren diseinua: Iurre Aranburu

Las hijas de Bernardak dantzaren bidez interpretatzen du, batez ere, Lorcaren testua, baina antzerkiaren eta interpretazioaren, musikaren eta ikus-entzunezko proiekzioen eta argiztapenaren bidez ere adierazten da ekintza.

Arantxa Villanueva Dantza Konpainiaren Las hijas de Bernarda aurreko bertsio baten jarraipen naturala da, egungo egoerara egokitua. Bertsio horren izenburua La Soledad de Bernarda zen. Emakumeen aurkako desberdintasunei eta indarkeriari buruzko gogoeta egiten du lanak, eta konfinamenduaren ondoren eguneratu nahi izan da; izan ere, kasu askotan areagotu egin da familia-ingurunean indarkeria jasaten duten emakumeen ahultasun-egoera. Hala, egoera horri buruzko hausnarketaren ondorioz, eszena berri bat sortu da proiektuan.

• Koordinazio artistikoa: Arantxa Villanueva Salinas
• Dantzariak: Maider Berasategui, Usua Purroy, Marina Etxeberria, Maider ibero, Nerea Eguillor, Atsegiñe Portu, Seltana Gil, Uxue Olazarán
• Dramatizazioa/Aktorea: Marta Juaniz
• Argien eta soinuaren talde teknikoa: Jorge Urrizola Sotro, Andrés Murugarren
• Komunikazioa: Zenzerro Pamplona
• Laguntzaileak: Adur eta Nahia Barquín