Agenda
Hitzaldia: Generoa euskal dantzan
2021/12/16 18:00
Baiona, Euskal Museoa
Euskal dantzan zenbait belaunalditan nesken eta mutilen dantzak bereizi izan ditugu. Eta nesken jantziak eta mutilen jantziak. Dantza egiteko moduak ere bereizi izan ditugu: mutil moduan dantzatu; neska moduan dantzatu. Baina nondik dator bereizketa hori? “Beti” izan dira nesken eta mutilen dantzak, janzkerak eta dantzakerak? Eta ez bada betidanikoa, noiztik eta zergatik banatzen dira euskal dantzak horrela? Euskal dantzetan emakumeak eta gizonezkoen rol estereotipatuak (janzkera, errepertorio eta dantzakera bereiziak) noiz eta nola eraiki ziren aztertuko du Oier Araolazak.
Eusko Ikaskuntza-rekin ko-antolatua
Dantzaz: Bat
2021/12/16 19:00
Hernani, Biteri Kultur Etxea
Zergatik BAT?
BATek hasierako puntura edo edozein ideiaren lehen fasera garamatza.
Fitxa
- Koreografiak: Barnaby Booth, Itzik Galili, John Henry Gerena, Martin Harriague
- Zuzendari artistikoa: Adriana Pous
- Dantzariak: Aitor Jiménez, Araitz Lasa, Clara Cafiero, Emily Mittelstaedt, Jean Baptiste Prieur Capdevielle, Pablo Navarro, Alexandre Goyer, Iker Sanz, Lorenzo Castelleta, Alexandra Clarke , Pauline Bonnat, Teresa Royo, Saioa Belarra, Oier Abrego
- Zuzendari teknikoa: Alberto Arizaga (Eragin Stac)
- Talde teknikoa: Eragin Stac
- Jantziak: Maialen Miranda
- Komunikazioa: Eduardo Vielba (Cultura & Comunicación)
- Argazkiak: Blanca Razquin, Jean-Paul Dunand
- Ikusentzunezkoak: Beñat Gereka (Txikota)
- Zuzendari orokorra: Fernando Sáenz de Ugarte
Núria Guiu: Spiritual Boyfriends
2021/12/16 19:00
Bilbo, Azkuna Zentroa
EszenAZ-en denboraldiak abenduan jarraituko du, Núria Guiu koreografo bartzelonarraren Spiritual Boyfriends-ekin: gorputzaren eta boterearen arteko erlazioaren inguruko bakarlan bat. Antzezlana hizkuntza fisiko, bisual eta teatralaren bidez jorratzen da, hizkuntzen arteko mugak eta «autobiografia/errealitatea» eta «fikzioa» terminoen artekoak uztartuz.
2019an, Likes pieza eszenikoa aurkeztu zuen Azkuna Zentroan. Sare sozialei eta «atsegin dut» famatuen balioari buruzkoa zen, eta bizi dugun garai digitalari buruzko hausnarketa bat egiten zuen. Bada, horren ondoren, Zentrora itzuli da artista Spiritual Boyfriends sorkuntza berriarekin.
Núria Guiuk, lan honetan, yogaren praktika aztertzen du; yogaren ikerketa dokumental eta ikonografiko bat egiten du: yogako jarreren eraikuntza historikoa eta jarrerek gorputzei rol, arau eta botere-egiturak nola ezartzen dizkieten, autodiziplinaren, osasunaren eta edertasunaren kultura bat sortzen baitute. Egungo yoga, praktika espiritual bat bada ere, gorputzaren kapitalizazioan harrapatuta dago, hainbat kontzepturen bidez, hala nola edertasuna, osasuna eta autoterapiaren inguruko objektu fetitxeen industria.
Artistaren arabera, «digitaltasuna desirarako espazio bat bezala eztabaidatzen da, baina baita kontrolerako espazio bat bezala ere, droga eta psikotropiko kolektibo bezala; arima (Interneten, entitate lurrunkor, birtual eta informatibo bezala ulertuta) gorputzaren materialtasunetik askatzen da eta nonahi eta modu ikusezinean behatu, ukitu eta manipulatu daiteke».
Núria Guiuk zera galdetzen dio bere buruari: Zer rol jokatzen du Internetek immaterialtasunari, maitasunari, botereari, politika neoliberalei eta horien kontrol eta zaintza sozialeko teknikei dagokienez?
