Agenda

Aupa!

Azken egunetako egoeraren ondotik, eta haurren zein arduradunon osasuna bermatu asmoz, igandeko ospakizuna BERTAN BEHERA gelditu dela jakinarazten dizuegu.

Gure asmoa beste egunen batean ekintza aurrera eramatea den arren, egoeraren ezjakintasunaren eta egutegi estuaren ondorioz ezinezkoa zaigu egun beste egun bat zehaztea. Denbora aurrera joan hala hartuko dugu erabakia, eta informatuta mantenduko zaituztegu.

Bitartean, eskerrik asko!

Oñatzen 50. urteurreneko Antolakuntza Taldea

Martxoan ospatuko dugu 50. urteurrenari dagokion 3. hilabetea. Oraingoan protagonista izango dira gure taldeko gaztetxoenak, eta, hortaz, beraientzako prestatutako egitaraua duzue hurrengoa:

• Goizean altxorraren bila jolastuko dira
• Bazkari herrikoia Zubikoa kiroldegian
• Dantza herrikoi gidatuak eta jolasak

Soka ez dadin eten, gora gorulari gazteak!

Mutxikoak, Amalabak eta Semek alaiturik.

Irradaka dantzatuko da. Emakume dantza da, udaberria eta haziak ereiteko garaia ospatzeko, eta emakumeek dantzatu bitartean abestu ere egiten dute. Antolatzailea: Astigar dantza taldea

OHARRA: COVID-19 gaitzaren aurreko neurriak direla eta bertan behera gelditu da ekitaldia. 

Gasteizko Oihaneder Euskararen Etxeak bultzatzen duen Ilunabarrean dantzan dantzaldi zikloko azken saioa. Bosgarren urtez jarraian, dantzara hurbildu eta Euskal Herriko zein kanpoko dantzak ikasteko aukera. Horretarako urtarriletik martxora, hilabete bakoitzean folk dantzaldi bana antolatu dira. Aste honetan Patxi Montero izango da dantzaldiaren gidaria.

Ilunabarrean Dantzan 2020

Dantzaldiak, 19:00-20:30 Oihaneder kafe antzokian. 

• Urtarrilak 19, Aniez Ceccon (Biarritz)
• Otsailak 9, Josu Garate (Eibar)
• Martxoak 15, Patxi Montero (Elgeta)

OHARRA: COVID-19 gaitzaren aurreko neurriak direla eta bertan behera gelditu da ekitaldia.

Diagonalean kokatu da Mizel Theret, Iparraldeko dantza sortzailerik garaikidenetakoa. Orain bi edizio “Lekeitioak” estreinatu zuen gure festibalean, gaur, berriz, “Diagonalean zehar” koreografia plazaratuko du estreineko aldiz. Esku pilotarien keinua du abiapuntu. Pilotariaren keinu hori testuingurutik atera eta moztu egingo du koreografoak. Gero mugimendu horiek dantza abstraktu bihurtu dira. Bakarka arituko da Mizel Theret diagonal batean. Bertan pizten diren musikarik gabeko gorputz mugimenduekin harritu egingo gara. Agertoki biluzi batean, gorputz bakar bat, eta dantza soilik. Dantza araztua, errepikatzean oinarriturik, diagonal bakar batean osoki zabaltzen dena, isiltasunarekin elkarrizketan. Esperimentazio du gustuko eta horren ondorioek  gure barrenak astintzeko xede dute. 

 * Loraldia festibalaren barruan eta La Fundición aretoarekin elkarlanean.