Agenda

Sabin Bikandi, Patxi Laborda, Xabier Etxabe, Xabier Itzaina, Joseba Altube eta Aritz Ibañez erromerien inguruan arituko dira Inpernuko Poza Trikitixaren Jardunaldian. Euskal Herriko Trikitixa Elkarteak antolatutako XVIII. Jardunaldia Tolosako Kultur Etxean egingo da urriaren 31n.

Inpernuko Poza Trikitixaren jardunaldian, Hitzaldia

• Eguna: Urriak 31, larunbata
• Ordua: 12:00-13:30
• Lekua: Tolosako Kultur Etxean*
• Hizlariak: AIKO taldea – Sabin Bikandi eta Patxi Laborda

Inpernuko Poza Trikitixaren jardunaldian, Mahai ingurua

• Eguna: Urriak 31, larunbata

• Ordua: 16:30-18:00

• Lekua: Tolosako Kultur Etxean*

• Mahai ingurua: Xabier Etxabe, Xabier Itzaina, Joseba Altube

• Moderatzailea: Aritz Ibañez

*Azken egunetako neurriak direla eta egoerak horrela eskatuta Inpernuko Poza XVIII. Jardunaldia ateak itxita egingo dira. Bi hitzorduak ordu berdinean mantenduko dira eta streaming bidez zabalduko dituzte edonorentzat ikusgai EHTEren sare sozialetan.

• https://www.instagram.com/trikitixa_elkartea/  - @trikitixa_elkartea
• https://es-es.facebook.com/trikitixa.eus/ - @trikitixa.eus

Sare sozial hauetako konturik ez badaukazu ere, Facebookeko kontua edonorentzat irekia izango da.

La Veronal konpainiak Vorona lana eskainiko du. Gaizkiaren enigma argitu nahirik, munduko haitzulo sakonenean sartuko gara, Voronia izenekoan. Esanezinaren alegoria da hori: hutsune bat, axolagabetasun beldurgarri baten egoitza, eta bertan eratzen da gizateriak ongia eta errugabetasuna era guztietako indarkeriaren aitzakiatzat hartzeko duen joera sutsua.

- Egilea eta koreografoa: Marcos Morau

- Dantzariak: Joaquín Collado, Rober Gómez, Jon López, Ariadna Montfort, Lorena Nogal, Shay Partush, Manuel Rodríguez, Marina Rodríguez, Giacomo Todeschi, Diesgo Tortelli, Sau-Ching Wong

Haatik konpainiak ikuskizun berri bat aurkezten du. Konpainiaren lehen lana izan zenaren irakurketa eraberritu bat hain zuzen. Errimak Bi Oinetan. Bertso saio batean oinarritutako dantza emanaldia.

Unai Elizasuk eta Aiert Beobidek zuzendutako emanaldia da. Sustrai Kolina, Aitor Mendiluze, Aitor Sarriegi eta gehiagok sortutako bertsoak, Igelaren Banda zuzentzen duen Bixente Martinezek bere lan-taldearekin musikatu eta Maialen Arzallus eta Thierry Biscaryren ahotsez abesturik.

OSA+MUJIKA konpainia Jaiotz Osa eta Xabier Mujikaren topaketa artistikoaren ondorioz sortzen da, sormenezko bi mundu baturik, dantza eta eszenografia/jantziak. Loser pieza, hausnarketa bat da milenialen inguruan, beren harreman sozialak, sareekiko duten mendekotasuna eta gizarteak berauengan duten itxaropenen gainean: «Berezia nintzela esaten zidaten, behin eta berriz. Bizitzan nahi nuena lortuko nuela ere esaten zidaten, besterik gabe nahi izate hutsarekin. Errealitateak berehala esnatu ninduen; ez naiz berezia eta ez dut desiratutakoa lortuko nahi izateagatik bakarrik. Bizitza perfektua eta arazorik gabekoa erakutsi beharra eta erreala ez den mundu baten onarpen beharra, mugagabea den hutsunea estaltzeko bidearen bila. Hori da Millenialek sentitzen duguna; kritikatua den generazio honek egia sakona izkutatzen du: zoriontasun eza».

Eva Guerreroren Doos Colectivok bi dantza pieza eta bideo-dantza bat aurkeztuko ditu. Lehenengo, Gorpuztu laburra da, Leire Otamendik dantzatuko duen soloa. Gero, Kyra Jean Green sortzailearen The man who travelled nowhere in time lana proiektatuko da eta bukatzeko, Guztiaren amaiera pieza eskainiko dute Aritz Lopezek eta Leire Otamendik.

Gorpuztu laburra

Gorpuztu laburrak oreka bilatzeari buruz hitz egi-ten du. Lasai egoteko, zarata isilarazteko, zama eta errua arintzeko, animaliak lasai lo egiteko leku bat aurkitzeko borroka da. Erlijio jakin batzuetan gorpu-tzaren erabilerari buruzko ikerketa batetik sortu zen

The man who travelled nowhere in time

Quebeceko Molekula bideodantzen aukeraketatik aukeratutako bideoa. Doos Colectivo 2020ko udazkenean Euskadiko antzokietan erakustenibili da, Euskadi-Quebec proiektuaren laguntzari esker. Eusko Jaurlaritzaren eta Etxepare Institutuaren ba-besa du proiektu horrek.

Guztiaren amaiera

Guztiaren amaiera gure harreman moduez ari da; aztertzen du nola hartzen ditugun erabakiak eta nola eragiten dioten erabaki horiek alboan dugun pertsonari. Une jakin bat du hizpide, erritmo galtzen duzun une hori: dena hankaz gora jartzen dela sentitzen duzu une horretan, baina hala ere aurrera jarraitzen duzu, ezer gertatuko ez balitz bezala. Hizpide ditu inertzia eta burugogorkeria, kontrol falta, aberetasuna, gertatzea nahi genukeena eta benetan gertatzen ari dena.

Miren Amuriza bertsolariaren eta Askoa Etxebarrieta flamenko dantzariaren arteko elkarrizketa artistikoa du oinarri GORRIA emanaldiak. Muin berbera dute adierazpide biek, bat-batekotasuna, eta bertan egin dute topo sortzaileek. Ikuskizunean zehar, nor bere hizkuntzan kantatzen edo dantzatzen hasi eta kode konpartitu eraikitzen joango dira bi-bientzako funtsezkoa den moldea oinarri hartuta: kopla. Kolore gorriaren sinbologia hari moduan baliatu (bizitza eta heriotza, arriskuak eta debekuak, karga ideologikoa, lotsa, desira...) eta banako zein kolektibo moduan zeharkatzen gaituzten gatazkez arituko dira ordu eta laurden inguruko emanaldian, gitarra eta perkusio soinuekin lagunduta eta eszenaratze soil bezain zainduarekin.

Fernando Salinas bandoneoi bakarlariaren proiektu honek musika, dantza, antzerkia eta olerkia bateratzen ditu. Kontzertuan maisu argentinarraren konposiziorik adierazgarrienetakoen moldaketa esklusiboak, Libertango edo Oblivion esaterako, hain ezagunak ez diren beste obra batzuekin batera entzungo dira.

• Egilea, Zuzendaria eta bandoneón bakarlaria: Fernando Salinas

• Dantzariak: Marina Alcalde y Diego Quispe.

• Narrazioa: Xabier Flamarique y Ángela Irañeta

• Musika Banda: “Unión Musical Vizcaína” de Santurtzi. Piazzollaren Tangoa-k giro hori birsortu nahi du eta aldi berean Piazzolla omendu, generoa goitik behera irauli zuen argentinar konpositorea.

2020ko Santurtziko Antzerki Jaialdiaren barruan.