Noiz:
2026/02/17
17:00
Non:
Eskoriatza
Eskoriatzako inauterietako pertsonaia nagusiak kukumarroak dira. Inauterietako asteartean irteten dira. Basagizon hauek, negu amaieran, menditik jaitsi eta herritarrak zirikatzen eta beldurtzen ibiltzen ziren. Sabelean loredun mantala zeramaten eta bizkarrean, ardi-larrua. Haurrek burla egiten zieten: "kukumarro, txorimalo". Egun, Kultur Etxetik irteten dira haurrak zirikatzera puxikarekin.
Noiz:
2026/02/17
18:00
Non:
Urdiain
Astearte-inauterian 18:00ak aldera aterako dira momoxarroak Udiango kaleetara. Batzuk ardi-narruak soinean, besteek ohe-estalkiak, beste batzuek txano konikoa jantziko dute. Guztiek aurpegia estalita eta farak izanen dituzte nondik dabiltzan jakiteko. Jendea zigorrekin berotzen ariko dira. . Momoxarroak zirikatzeko honako errepika erabiltzen dute herritarrek: momoxarro xirrikiti xarro, esportero molinero, zaia janda putza gero, arre konpañero.
Noiz:
2026/02/17
18:00
Non:
Errenteria
18:00etan, Amulletako Danbor Kofradiak erretreta joko du Sardina Ehorzketa iragartzeko eta Herriko plazan, bertsoak eta azken agurra egingo dira. 19:30ean, Ereintza Elkarteak antolatutako Sardina Ehorzketaren hileta-segizioa Juan de Olazabal kaletik irtengo da, Errenteriako Musika Kultur Elkarteko bandak lagunduta. Ibilbidea: Olazabal kalea, Bittor Idiazabal, Alaberga, Biteri, Xenpelar, eta Herriko plazan amaituko da. Jarraian, herriko plazan, bertsoak eta azken agurra. Ereintza dantza taldeko dantzariek hartzen dute parte Herriko Plazako agurrean eta bertan, sardina erretzen da.
Noiz:
2026/02/17
19:00
Non:
Altsasu
Inaute astearte edo asteartita iluntzean elkartzen dira Juan Tranposo, akerra, momotxorroak... Altsasun. Jantzi, zikindu eta kalera irteten dira herritik dabilen jendea beldurtzen. Zenbait momentutan momotxorroen-zortzikoa dantzatzen dute.
Altsasu: Inauteriak 2011 [Bideoa]
Noiz:
2026/02/17
19:00
Non:
Burlata
Burlatako Martingala da Burlatako inauteen izena. Hartan, Aierbeko Lukas atxilotu eta epaitu egin ohi dute. Inaute astelehenean, Aierbeko Lukasen harrapaketa egoten da. Ondoren, asteartean urkatu, eta sutan erretzen dute eta, bien bitartean, oihu-zalaparta handia eta Joasikeroen dantzak izaten dira.
Noiz:
2026/02/17
19:00
Non:
Kanpezu
Kanpezun inaute asteartean ateratzen dute Toribio. Lastoz sortua den panpina da eta herriko gaitz guztien erruduna. Toribiorekin batera kalejira egiten dute eta ondoren epaitua izaten da. Erruduna denez, ibai ertzera eraman eta bertan itotzen dute.
Noiz:
2026/02/19
19:30
Non:
Bilbo, Arriaga Antzokia
Georgiako kultura-ondarearen osagairik adierazgarrienak biltzen dituen ikuskizun zirraragarria.
El Ensemble Nacional de Danza y Canto de Georgia – Erisioni delakoak, Kaukasoko folklore-talderik zahar eta historikoenak, Georgiako kultura-ondarearen osagairik adierazgarrienak biltzen dituen ikuskizun zirraragarri bat eskaintzen du, bere dantza ikusgarria eta musika ederra uztartuz. Agertokian, 20 abeslarik eta 20 dantzarik ondo zaindutako dantza tradizionalen eta kantu polifonikoen sorta zabala interpretatzen dute, herrialdeko eskualdeen aberastasuna eta aniztasuna islatuz.
Errepertorioa belaunaldiz belaunaldi transmititutako pieza folklorikoek osatzen dute —horietako asko XX. mendea baino lehenagokoak—, baina baita historian zehar bildutako gaien moldaketa eszenikoek ere, folklore nazionala babesteko eta biziberritzeko ahaleginean. Emanaldia jatorrizko formekiko fideltasunak nabarmentzen du, baita eszenaratzearen adierazpen-indarrak eta Georgiako polifoniaren ahots-sakontasunak ere —UNESCOk Gizateriaren Ondare Kultural Immaterial aitortua du—.
Musikak bizia hartzen du Georgiako musika-tresna tradizionalei esker —panduria, chonguria, dolia edo salamuria, adibidez—, eta horiek benetako sonoritatea ematen diote ikuskizunari. Dotorezia, energia eta emozioa uztartzen dituen esperientzia artistikoa da horren guztiaren emaitza, Kaukasoko antzinako arimarekin lotzen duena ikuslea.
Talde honek bira arrakastatsuak egin ditu mundu osoan zehar, eta emanaldiak eman ditu Parisen, New Yorken, Moskun, Pekinen eta Madrilen, besteak beste. 2002an Urrezko Diskoa jaso zuen Parisen, eta «Chakrulo» abestiaren interpretazioa NASAk Voyager zundan sartu zuen —1977an bidali zuten espaziora—, giza kulturaren erakusgarri. Kantuaren eta dantzaren bidez, Kaukasoko tradizioak eta balioak modu argi eta hunkigarrian transmititzen ditu taldeak; Georgia oso harro baitago horietaz.
Antzezleak:
- Ensemble Nacional de Danza y Canto de Georgia - Erisioni.
Noiz:
2026/02/21
10:00
Non:
Añorga
Goizean zehar hiru barrikada egingo dituzte Añorga Txiki, Karmengo Ama eta Pedro Jose auzuneetan, eta, gero, emanaldi nagusia Añorgako Harrobiaren plazan. 10:00etan abiatuko dituzte barrikadak eta 13:00etan izango da emanaldia.
Noiz:
2026/02/21
10:00
Baigorrin libertimendua egingo dute martxoaren 5ean, 10:30ean kabalkada eta emanaldia 11:00etan.
Neguan jaun eta jabe izan dira zirtzilak, baina udaberria hurbiltzen ari den bezala dantzariak agertuko dira plazetan. Aurrez aurre edo elkarrekin izango dira Euskal Herriko zenbait plazetan antolatu diren libertimenduetan dantzariak, zirtzilak eta bertsolariak. Dantza, antzerkia eta bertsoa dira inauteri hauetako ezinbesteko osagaiak. Dantzari dotore, garbi eta mutuek pixkanaka zirtzil ilun, zikin eta kritikoen lekua hartuko dute eta bertsolariek narratuko dute plazan gertatzen dena.
Noiz:
2026/02/21
10:00
Non:
Iruñea
Libertimendua eginen dute Iruñeko Arrosadia auzoan, inauterien baitan. 10:00etan hasiko da kalejira Bardenas ostatutik, eta zenbait lekutan eginen dituzte geldialdiak: Pico de Ori estankoan, Hegoalde ikastolan eta Lagun Zaharrak elkartean. Plaza hartzea 12:30ean izanen da, Manuel de Fallan.
