Agenda

Erakusketa: Axeri Dantzak 25/50

Gehiago irakurri

Gasteiz Dantza Plazan

Gehiago irakurri

Donostiako Udalaren Txistulari Taldearen erromeria

Bagera Elkarteak eta Donostiako Udalaren Txistulari Taldeak antolatuta, euskal dantza tradizionalen inguruko erromeria ospatuko da Donostiako Plaza Berrian.

Udalaren Txistulari Taldearen eskutik kalejira, fandango, arin-arin, muxiko, polka eta beste dantza asko ikasi eta dantzatzeko aukera izango da Jon Iraola dantza-maisuaren laguntzaz. 

 Programa: https://labur.eus/j5ups4rn

Gehiago irakurri

Dantzaz: Ubun-Tu

Dantzazek hitzordu berezia proposatzen du maiatzaren 17an Lekuona Fabrikan (Errenteria): Ubun-Tu ikuskizunaren emanaldia, Musikasteko programaren baitan.

Ubun-Tu bi piezaz osatuta dago, nazioarteko bi koreograforekin egindako lankidetzaren emaitza. Aire Sakona, Jacek Przybyłowicz (Polonia) eta Adam Walicki konpositorearekin elkarlanean sortua, eta ERES, Martín Inthamoussú (Uruguai) koreografoarena.

Lehenengo pieza, Aire Sakona, Dantzagunearen instalazioetan sortu zen, eta euskal kulturako elementuak integratzen ditu, hala nola estropaden irudiak eta bertso bat.
Bigarren piezan, ERES, migratzaile izatearen esperientziak eta identitatearen eraikuntza dira ardatz nagusiak. Landarbaso Abesbatzak interpretatzen du pieza honen musika, zuzenean.

Ubun-Tuk mugimenduaren bidez komunitatearen indarra eta elkartasunaren beharra aldarrikatzen ditu, egungo gizarte indibidualistan ezinbesteko mezua.

Gehiago irakurri

Kresala: Ravel

«Ravel» obra Maurice Ravel lapurtarra, nazioarteko euskal musikagile ezagunena Ziburun jaio zeneko 150 urteurrena gogora ekartzen du. Horretarako, Maurice Béjart koreografo ospetsuak egindako «Bolero» izeneko bere lana aukeratu dugu. Euskal kulturaren hainbat alderdi biltzen dituen mosaiko bat berrinterpretatzen dugu zenbait egile nabarmenekin,
hala nola Azkue, Aita Donostia, Riezu edo Beltran bezalakoekin, XX. mendeko Europako mugimendu historiko inpresionisten eta espresionisten azterketa bateratua eginez.

«Ravel»-en dantza tradizionalen inguruko ikuspuntu irekia eta zabala erakusten da, bai bere forma preklasikoetan zein bide berrien bilakaeran, historiaren irakurketa partzialak ikertzeko, haztatuz eta etorkizunean emango diren beste interpretazio batzuei sarrera emanez. Etengabeko mugimenduan dagoen ezagutza-denbora bat konfiguratzeko pultsiotik osatutako lana da. Hizkuntza berrituen eremua irekitzen duten beste kontakizun batzuk eskaintzen dituzten mugarriak barneratuz.

• Zuz. Art. eta koreografia: Faustino Aranzabal

• Dantza maisu-maistrak: Idoia Ibarzabal, Josu Sagardia, Jone Murua, Nora García

• Musika egileak: XVII-XXI. mendeetako bildumaren collage musikala

• Dantza interpreteak: 120 ikasle (haurrak, gazteak eta helduak)

• Argiztapen diseinua: Inma Irazustabarrena - Eragin.stac

Gehiago irakurri

Plazako dantza tradizionala: kalitatean sakontzen (4. saioa)

MINTEGIA (4. saioa)

Gaurko gaia: jauziak (aurreko saioaren jarraipena)

• Jauzien dantzan, autonomiaren bidean.
• Jauziak musikatik dantzatzea (ez 'urratsetatik'): musika ulertu - musikatik urratsetara - musika sentitu - musikarekin jolastu
• Urratsak gutxiago markatuta, edo batere markatu gabe dantzatzea.
• Askatasuna, norberaren espresioa, aniztasuna.

Nori zuzenduta:

• Jauziak sentitzen sakondu nahi duten eskarmentudun dantzariei
• Dantza-irakasleei
• (Baldintzak: jauzien dantza-sisteman eskarmentu nahikoa, ezagutzea, gutxieneko maila duina, eta ikuspegia irekitzeko jarrera)

Ordutegia: 18.30 - 22.00

Parte-hartzea: 10,00 euro

Laguntzailea: Elgetako Udala

Gehiago irakurri

Gasteiz Dantza Plazan

Gehiago irakurri

Begiraleak: Begiralekada

Begiraleak dantza taldearen 90. urteurreneko emanaldia maiatzaren 24an, atsaldeko 15:30ean. Pilota plazan izanen da, euria izanez gero Jai Alaiean eginen dute. Sartzeak salgai dira HelloAsson (5 eurotan helduentzat, urririk 13 urtepeko haurrentzat). Gaualdia segituko du dantzaldia eta Donibane Kantuz saio batekin. Txaranga ere izanen da gaualdia alaitzeko.

Begiralekada

Eta bigarren emanaldian beraz, kide guziekin iraganen da: gaur egungo kideak eta kide ohiak. Begirakada izena izanen du. Zertako Begirakada?

• Begirale: ulertu elkarteko kidea.
• Begiraleka: belaunaldien segida bat ikusiko baita, belaunaldiz belaunaldi, 180/200 dantzariekin inguru.
• Kada: erreferentzia “kabalkada” hitzari bere zentzu propioan, dantzariek plazak eta karrikak hartzen baitituzte. Jatorrian kabalkakak ez ziren bortxaz antzerkiarekin, antzerkia zutenak “zintzarrotsak” edo “toberak” ziren.

Gehiago irakurri

Aitzindariak: Aitzina Biga

Ikusgarri honetan zuberotar dantza tradizionalak, dantza berriak, antzerkia, bertsoak eta kantuak izango dira. Aitzina Biga ikusgarriak 107 parte hartzaile bilduko ditu: 52 dantzari, 29 kantari, 9 antzerkilari, 2 bertsolari eta 15 musikari.

2006an Aitzindariak elkarteak, Zuberoako dantza taldeak batzen dituenak, Aitzina Pika ikusgarria aurkeztu zuen. Hainbat belaunalditako berrogeita hamar bat zuberotar ari izan ziren dantzan, antzerkian edo kantan. Hari segida emanez, zuberotarren arteko trukaketen bultzatzeko, ikusgarri berri bat proposatzeko beharra sentitu dute 2025eko udaberrian.

Aitzina Biga

• Apirilak 19, larunbata: Maule-Lextarre, 20:30ean, Jai Alain.

• Maiatzak 1, osteguna: Biarritz, 18:30ean, Gare du Midin.

• Maiatzak 24, larunbata: Arrasate, 19:00etan, Amaia Antzokian.

• Maiatzak 31, larunbata: Iruñea, 19:00etan, Baluartenn

• Uztailak 12, larunbata: Atharratze-Sorholüze, 21:00etan, Errebotean

Gehiago irakurri

Durangaldeko Ezpata-dantzari Eguna 2025

• 17:30 Kalejira

• 18:00 Saioa

• 20:00 Trikipoteoa

Gehiago irakurri