Polliki dantza taldea + Zarena Zarelako

Polliki dantza taldeak Ireki ez hesteko ikuskizuna eskeiniko du eta Zarena Zarelako konpainiak Herrikoa ikuskizuna eskeiniko du Bidarrai herriko plazan. 

Polliki

Luhusoko euskal dantza elkartea da. 1999ko irailean sortu zen, eta dantzaren bidez euskal kulturaren transmititzea du xede. Dantzariak aste guziz biltzen dira errepikatzeko, eta ekitaldi bat baino gehiagotan parte hartzen dute : Dantzari Ttiki, herriko bestak, ihauteriak, turistendako ikusgarriak, sorkuntzak… Ehun bat dantzari bada taldean, 6 urtetik 30 urtera, eta hamar bat boluntario kurtsoen emateko.

Zarena Zarelako

konpainiak ikusgarriaren bitartez, hainbat herri eta probintzietan dantzatzen diren fandango eta jotak eginen ditu, hala nola, Asturias, Galizia, Aragoi, Bizkaia, Gipuzkoa, Bilibia eta Lapurdikoak. 11 emazte eta 11 gizonez osatua, jota eta « fandangillo » - en sotiltasunak erakutsi nahi izan ditu, estilo ezberdinak, goxotasuna eta bikoteko harremanak landuz. Kantatutako koplek, dantzen segida hartzen dute. 35 minutuko animazio, bizi eta alaia, plazeko dantzaldi baten gisaren partekatzea du helburu. Jantziak 50. hamarkadakoak izanen dira, garaiko giroan publikoa murgiltzeko.