Marcat Dance, horra Mario Bermúdez koreografo espainiarraren eta Catherine Coury dantzari iparramerikarraren etxe artistikoa, biek ala biek zuzendua. Marcat Dancek irudimenaren boterea zein sormena ditu erronka nagusi, betiere gorputzaren dinamikaren etengabeko ikerlanean diharduela. 2016an sortu zenetik, konpainia mundu zabalean aritu izan da: Ekialde Ertainean eta Europan, Asian eta Ameriketan.
Sari garrantzitsuak jaso dituzte konpainiaren sormenlanek; besteak beste, finalista izan da 3 kategoriatan 2020ko MAX sarietan. Marcat Dancerekin egindako sorkuntzez gain, Mario Bermúdez nazioarteko hainbat konpainia garrantzitsutan aritu izan da koreografo gonbidatu gisa: Espainiako Dantza Konpainia Nazionala, Rotterdameko Scapino Ballet, Taiwaneko Hung Dance, Nuovo Balletto de Toscana eta Galesko Konpainia nazionala. Averno Danteren Infernuan oinarritzen da, eta bidaia fisiko eta emozional eraldatzaile bat proposatzen du,barne-birkonkistaren bila.
Fitxa artistikoa:
Artistak: Mario Bermúdez, Catherine Coury, Marilisa Gallicchio, Javier de la Asunción, Andrea Pérez, Alessia Sinato, Raúl Melcón
