La Coja Dansa: Amagatall

Amagatall du izena La Coja Dansa konpainia valentziarrak familientzat prestaturiko ikuskizun berriak. Ikuskizun honek egundoko jakin-mina sortu du aurreko muntaketak, Retrats habitats, hain arrakasta handia izan eta gero; guraso batzuen ibilerak kontatzen ditu, nola dabiltzan desesperatuki alabaren bila, hura globo batekin batera hegan desagertu zenez geroztik. Amagatallen, gurasoek alabaren ezkutaleku sekretuak aurkitzen dituzte, hau da, hark irudimenaren hegoetan bisitatzen dituen lekuak, ulertzea lanak ematen dizkion mundu honetatik apartatu nahi duenean. Bi dantzari saritu, bideozko animazioak eta ikuskizun honetarako bereziki konposatutako musika biltzen dira hemen, kalitate handiko ikuskizuna eskaintzeko.