Hitzaldia: Zertarako eta nola jantzi gure festetan?

Ane Albisu Iriarte donostiarra, jantzi ondarearen ikertzaile, diseinatzaile eta Ikerfolk elkarteko partaidea da. 40 urtetik gora daramatza Euskal Herriko jantzi ondarean sakontzen. Euskal Herriko hainbat aldizkaritan argitaratutako artikuluez gain, 'Atondu, XXI. menderako proposamena' (Elkar 2006) liburuaren egile da. Egun, besteak beste, Baserritar Jantziari buruzko Doktore Tesia egiten ari da. Goi-Alde dantza taldeak antolatutako hitzaldian,jantzi horren jatorriari, elementu identifikagarriei eta modak duen eraginari buruz arituko da.​