Basauri: Euskal Herriko Dantza Agerketa

Segurtasun neurriak bermatu ahal izateko formatua egokitu eta irailaren 19an 20:00etan Social Antzokian izango da XLVIII. Euskal Herriko Dantza Agerketa. Normalean asteburu osora zabaltzen da egitaraua, baina aurtengoan ez da erromeria herrikoirik izango ostiralean, ezta Basauriko taldeen emanaldirik ere igandean. Euskal Herriko zazpi herrialdetako dantza taldeak gonbidatzea ere ezinezkoa izan da, beraz, lurralde bakoitzeko dantza adierazgarrienen bideo-muntaia laburrak eskainiko dira larunbateko ekitaldian.

Euskal Herriko Dantza Agerketako sarrerak -doakoak- Basauriko Social ntzokiko leihatilan egongo dira eskuragarri irailaren 12tik aurrera. Ekitaldia internet bitartez ikusi ahal izango da zuzenean; Agerketak Facebook-en eta Twitter-en dituen profilen bidez jarraitu ahal izango da, baita YouTubeko kanalaren bidez ere.