Aurreskua

Igande honetan, irailak 26, Santurtziko hainbat emakumek aurreskua aterako dute duela ehun urte egin zuten gisan.

Santurtziko Sotera traineruaren denboraldi bikaina, Mendi Alde dantza taldearen 60. urteurrena eta erraldoien konpartsaren 25. urteurrena ospatuko dituzte aurreskuarekin. Mendi Alde dantza taldeko 14 bat dantzari aterako dira sokan eta bukaeran Itsasoko Ama arraun elkarteko zuzendaritzako kideak, dantza taldeko hainbat belaunalditako dantzariak eta erraldoien konpartsako kideak gonbidatuko dituzte sokara dantzara.