Agenda

Jone Amezaga + Manu Gaigne: Zerbait.Noizbait.Nonbait

Dantza garaikidea, musika garaikidea eta ikus-entzunezko arteak oinarri dituen obra eszenikoa. Sormen-prozesuan dagoen lana. 

Sortutakoak 16, Dantzagunea + Olatuak, Gipuzkoako Foru Aldundia aukeratutako proiektua.

11:30 Ateak irekitzea.

12:00 ZERBAIT.NOIZBAIT.NONBAIT

Erakustaldia (laburmetraiaren pre-estreinaldia*)

12:40 Solasaldia.

ZERBAIT.NOIZBAIT.NONBAIT

The velocity, the calm. The streets. The time.

The sun, the light.

Elkarrizketa etengabean, jolasean. Joku bera aukeratu dugu?

Berdin dio, jarrai dezagun.

Tu dois continuer juste droit, juste continue tout droit.

Ouais, je sais, je sais, ce n’est pas une compétition, c'est l’art de notre temps.

Memoria eraiki bidean, bidea eraiki memorian.

Uma forma de brincar com o fogo sem me queimar. A través das palavras, as letras, a melodía que habita em elas, o ritmo escondido e a dança proibida.

Mila esker.

Fitxa artistikoa.

• Sorkuntza eta interpretazioa: Jone Amezaga, Manu Gaigne.
• Soinua eta argiztapena: Asier Valverde, Malen Mayordomo.
• Kanpo begirada: Jone San Martin, Olatz Beobide.

Laburmetraia.

• Zuzendaritza eta sorkuntza: Maren Gonzalez, Manu Gaigne.
• Ekoizpena: Ander Merino, Manu Gaigne, Maren Gonzalez.
• Argazki zuzendaritza: Ander Mateos, “Totxo”.
• Grabaketa: Badator, Arriguri.

Gehiago irakurri

Kukai Dantza Konpainia: Gauekoak

Bes-Te-Bat! zirkuituaren barruan.

Gauekoak proiektua Kukai konpainiaren alma mater den Jon Maya Sein dantzari eta koreografoaren hausnarketa pertsonal batetik sortutako lana da. Lagun maite eta bereziak batu ditu proiektuan. Gainera, eta aurreko lanekin alderatuta, Maya dantzari gisa izango da agertokian ikuskizun honetan.

Hizkuntza artistikoen gurutzaketan eta sortzaile handien baturan (Arkaitz Miner, Mireia Gabilondo…) oinarritzen da proiektu berri hau, dantza, musika, abeste, ilustrazio, literatura eta abarri gauaren muinetik ekinez.

Zeren eta gaua erori eta argi guztiak itzaltzen direnean, esnatu egiten dira arima batzuk.

• Ideia originala eta proiektuaren zuzendaritza: Jon Maya Sein
• Eszena-zuzendaritza: Mireia Gabilondo
• Dantzaria: Jon Maya Sein
• Musikaria (zuzenean):  Arkaitz Miner eta Xabi Bandini
  
• Koreografia: Jon Maya, Cesc Gelabert, Sharon Fridman, Israel Galván
• Testuak: Joseba Sarrionandia, Carmelo Iribarren
• Ilustrazioak: Maite Mutuberria
• Eszenografia: Fernando Bernués
• Argiztatzea eta bideo-sorkuntza: David Bernués
• Kudeaketa taldea: Nagore Martínez, Doltza Oar-Arteta

Gehiago irakurri

Matxalen Bilbao: Serenity Suite

Pieza onen bitartez Matxalen Bilbao koreografoak adinaren aurreiri­tzietatik ihes egin nahi du, eta helduaroa goraipatu nahi du burmuina eta gorputza modu harmoniatsuan elkarrekin bizi diren etapa osatu gisa.

Hala, Natalia García dantzari gazte eta Matxalen Bilbao dantzari beteranoak interpretatutako duoa da Serenity Suite. Ia hiru hamarkadako aldea dago bien artean, baina belaunaldien arteko distantzia bizitzan oztopo ez dela erakutsi nahi dute. Dantza bezain pertsonala den esparrua partekatuz, asmo handiegirik gabe eta ikuspuntu ludikoa aplikatuz, espazio komuna hartzen dute estereotipoak baztertu eta denbora igarotzeari buruz hitz egiteko.

Lan zintzoa da, eta mugimenduan gorputzaren arintasunari, feminitateari, musikalitateari edota kontaktuari buruzko ikerketa egin dute, betiere lasaitasun giroan.

• Zuzendaritza eta koreografia: Matxalen Bilbao.
• Antzezleak: Natalia García, Matxalen Bilbao.
• Kanpoko begirada: Robert Jackson.
• Musika: Itziar Madariaga.
• Espazio eszenikoa: David Alcorta.
• Argi Disenua. David Alcorta.
• Testua: Poema de la Vejez. José Saramago.
• Argazkiak: Itxaso Beistegui.
• Bideoa: Jon Solana.
• Off ahotsa: Matxalen Bilbao.
• Ekoizpena. Infinita Escena.
• Laguntzaileak: Kultur Leioa, La FuNdicIOn, CCN Malandaín Ballet, Azkuna Zentroa, Utopian.
• Diru-Laguntza: Eusko Jaurlaritza.

Gehiago irakurri