Dokumentuaren akzioak
Orakunde Egunarekin abiatuko dira inauteriak Elizondon
Ortziralean puxka biltzen aterako dira gazteak eta larunbat eguerdian mozorro eta orgen desfilea
Elizondon inauteri giroan murgilduko dira ortzegunetik larunbatera. Ortzegun Gizen Eguna Oilar Dantza edo Orakunde Eguna izaten da Baztanen. Ortziralean puxka biltzen ibiliko dira gazteak eta haurren desfilea eginen da. Larunbat eguerdian mozorro eta orgen desfilea.
Otsailak 12, ortzeguna
Oilar Dantza edo Orakunde eguna ospatuko dute Elizondoko ikastetxeetako haurrek. Urtero bezala, karrikadantza, bazkari eta jostetak izanen dira goizean. Arratsaldean, oilarren ordua izanen da.
Otsailak 13, ortzirala
09:00etan gazteak elkartu eta puxka-biltzeari hasiera emanen diote.
16:00etan haurren desfilea izanen da. Desfilearen ondotik, txokolatea eta dantzaldia antolatu dituzte haurrendako.
22:00etan Jantziloren erretzea plazan.
Otsailak 14, larunbata
12:00etan mozorro eta orgen desfilea eginen da herrian barna.
Larunbat eguerdian eginen dute orga eta mozorroen desfilea. Argazkia: Artxiboko argazkia
Dokumentuaren akzioak
