Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Intxixuek eta sorginek euren agintea ezarriko dute Oiartzunen, ostiraletik igandera arte

Dokumentuaren akzioak

Intxixuek eta sorginek euren agintea ezarriko dute Oiartzunen, ostiraletik igandera arte

Oiartzunen jai giroa nagusituko da bihartik igandera arte. Izan ere, gaur arratsean intxixuak eta sorginak jaitsiko dira Done Eztebe plazara, Aiako Harria utzita. Udaletxea hartuko dute, eta eurak izango dira herriaren jaun eta jabe. Euren agintea ezarriko dute, zakarkeri eta festarena.
Komunikabidea
Oarsoaldeko Hitza
Mota
Albistea
Data
2015/02/05
Lotura
Oarsoaldeko Hitza

Zortzi dira intxixuak, herriko auzoak bezainbeste. Mendiko sorginak, berriz, baserrietan bizi direnekin elkartuko dira.
Bandera jartzearekin eta Azeri eta Sorgin dantzekin hasiko dira Ihoteak, eta ondoren poteoa egingo dute zakuz jantzita.
Bihar goizean zaku mozorroa utzi eta poxpolinarena jantziko dute, etxez etxe kuestazioan aritzeko. Bildutakoa bakoitzak bere auzo elkartean bazkalduko du, eta plazara joango dira arratsaldean, poteatzera. Igandean dantza izango da nagusi, eta 19:00etan intxixu eta sorginak agurtuko dituzte.

EGITARAUA
Ostirala
19:00. Azeri dantza eta Sorgin dantza. Ondoren, intxixu eta sorgina. Segidan, poteoa.

Larunbata
09:00. Kuestazioa auzoetan.
14:30. Bazkaria auzoetan.
18:00. Auzoetakoak plazara joan eta poteoa egingo dute.

Igandea
09:00. Diana txistulariekin.
11:00. Beheko Plazatik karroxa eta kalejira.
19:00. Intxixu eta sorginei agurra. Ondoren, suzko akerra.

Ihoteetako kuestazioa, Iturriotzen

Ihoteetako kuestazioa, Iturriotzen

Dokumentuaren akzioak