Dokumentuaren akzioak
Elurrak ez ditu Eskoriatzako kintoak kikildu
Elurteak utzitako beste irudietako bat Eskoriatzako kintoena izan da. Eguraldiak ez ditu kikildu eta kantuan ibili dira goizean goizetik. Gaur 9:00etan ekin diote jardunari Kontzejupen, eguna kantuan pasatzeko prest. Gainera, iluntzeko zazpietan dantzarako hitzordua eginda dute herriko plazan. Ordu erdi lehenago, entsegua egingo dute frontoian.
Dena den, atzo ere baserriz baserri ibili ziren egun guztian zehar kantuan, trikiti eta panderoaren laguntzaz. Eguraldia ez zuten euren alde izan, baina hala ere, azaldu dutenez, taldetxotan banatuta Eskoriatzako auzo guztietatik pasatzea lortu zuten. Gainera, ibilbide gehiena oinez egin zuten.
Dokumentuaren akzioak
