IRUÑEKO KARRIKADANTZA EKIMENA ABIAN DA!!!!

2011/04/04

Euskara bizitzea euskaraz bizitzea delako, KARRIKIRI eta ZALDIKO MALDIKO eta Nafarroako Euskal Dantzarien Biltzarra elkartetik euskara dantzan bizitzeko gonbita luzatu nahi dizuegu euskaldun eta euskaltzale guzioi. Karrika euskara eta bide batez festarako berreskuratu nahi dugulako, Iruñeko dantzazale guziendako KARRIKADANTZA ekimena sortu dugu.


Horregatik, apiriletik aurrera, hilabetearen hirugarren larunbatean, arratsaldeko 18:30etan dantzaren inguruko topagunea sortuko dugu Mercaderes karrikan. Dantzaldi zabala, errepertorio eta partaideen aldetik, non talde ezberdinetako musikariekin osatua dagoen musikari talde batek, gonbidatuak lagundurik, dantzan jarriko gaituzte erritmo eta doinu ezberdinak baliatuz: dantza jauziak, dantza lotuak, jotak, arin arinak…KARRIKADANTZA dakiguna praktikan jartzeko eta ez dakiguna lagun giroan ikasteko parada ederra izanen da.


Beraz apirilaren 16an hasiko gara lehenengo emanaldiarekin.


Anima zaitezte eta lagun, ezagun, dantzazaleen artean gonbita hau zabal ezazue, dantzan ongi pasa dezagun eta erakuts dezagun dantzan zeinen ongi pasa daitekeen.

Herrixa Dantzan
Herrixa Dantzan
2011/04/07 14:54

Ongi etorri Karrikadantza. Bizitza luze eta oparoa!!!

Libre dudan larunbat batetan zuekin dantzan egiteko itxaropenaz, agur bero bat Elgetako muinotik.

Patxi M.

txikia
txikia
2011/04/14 14:58
Zertaz da Nafarroako Euskal Dantzarien Biltzarra txikia, KARRIKIRI eta ZALDIKO MALDIKO handien parean?
Replica Rolex
Replica Rolex
2011/09/23 05:56
I like fashion Replica Watches, here we have many cheap Replica Rolex Watches, our store offer many best Replica Breitling Watches, Omega Seamaster Watches is fashion. Replica Rolex, Rolex Daytona, Replica Breitling, Replica Omega.