Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Mendi Alde

Orain arteko ekarpenak

Mendi Alde: Bals

2019/10/06

Kepa Deuna 2019ko Kabiezesko jaietan, Santurtzin, bertako Mendi Alde Euskal Dantza Taldeak balsean oinarritutako koreografia bat aurkeztu genuen; balsak, beste dantza herrikoi askok bezala, errepresioa jasan behar izan zuen bere garaian.

Dantza oso ezaguna eta hedatua da balsa, eta honez gain, bai talde koreografiari baita bikote dantzari ere errez moldatzen zaio. Gaur egun areto dantzatzat hartzen den arren, jatorrian dantza herrikoia izan zen, eta behin eta berriro jasan behar izan zuen errepresioa dantza immoraltzat baitzuten.

Prestatu dugun koreografia honek dantza herrikoiak bikoteka dantzatzeko izan duen joera errepresentatzen du, baita debekuak sortarazten dituen hutsuneak eta aldaerak ere. Balsak aldaera asko dituen arren, gure abiapuntua Katrien Van Craenenbroeck koreografo y folkloristarena izan da, bere ereduak liraintasuna eta tradizioa baititu ezaugarri. Eredu horretan oinarrituz, pausuak gehitu ditugu eta irudiak talde koreografiara moldatu ditugu gure kantutegi tradizionaleko “Loriak udan” musika baliatuz.

Autore askok Indalecio Bizkarrondo Ureñaren, Bilintxen, poesia gogora ekarri dute “Loriak udan” musika baliatuz, eta guk ere gure herriaren historia, gure poeta eta gure dantza herrikoia gogorarazteko aukeratu nahi izan dugu.

Irudiak: Mendi Alde. Bals, 2019.

Otxandioko emakumeen aurreskua berreskuratzeko gonbidapena

2017/06/05

1980ko hamarkadan abiatutako ikerketa-lana argitaratzen dute hemen Santurtziko Mendi Alde dantza taldeko Mundi eta Andoni Flores anaiek. Otxandioko emakumeen aurreskua dokumentatzeko eta berreskuratzeko lanetan dabiltza buru-belarri. Santa Marina jaietan Otxandion egiten zen emakumeen soka-dantzar...

Gehiago irakurri

Sorgin-dantza Otxandion

2017/03/20

Hitzaurrea Egunerokotasunean jazotakoen ondorioz edo beste kausa batzuk direla medio, zenbait urtetako atzerapenarekin egindako hitzaurrea da honakoa. Gaurkoan, jarraian azalduko ditugun gertakarien herrian jasotako testu, informazio, eta soinuzko zein idatzizko dokumentuak hartu ditugu berriro ...

Gehiago irakurri

Mendi Alde

Mendi Alde

1961. urtean sortu zen Mendi Alde taldea Santurtzin, izen bereko kultur taldearen barruan. Hainbat ekimenetan hartzen dugu parte, eta bereziki interesatzen zaigu tokiko dantzak bertatik bertara ikastea.