Ürrüstoi: 2017ko maskaradak prestatzeko azken lanak

2017ko urtarrilaren 22an abiatuko dira maskaradak Zuberoan. Zehazki Pettarra eskualdeko zenbait herritako gazteek emango dituzte, Ezpeize-Ündüreine, Ürrüstoi-Larrabile, Ainharbe, Sarrikota, Onizepea eta Mitikileko gazteek. Ürrüstoin mustrakak filmatzen izan gara eta bertan Allande Davant errejentarekin hitz egin dugu prestaketa lanen inguruan. Ximun Uthurralt eta Iker Uthurralt lehengusuekin ere mintzatu gara. Iker, Kabana izango da eta predikuen prestaketaren inguruan mintzatu zaigu besteak beste. Ximun, Donapaleukoa (Nafarroa Beherea) da baina Onizepean bizi da orain. Manex arrastoa ezabatu gabe, maskaradetan parte hartzeko prozesuan izan dituen bizipenak kontatu dizkigu. Irudiak: Eire Vila. 2017ko maskaraden egutegia hemen dituzue. Ürrüstoi, 2017ko Pettarreko maskaradak prestatzeko azken lanak, 2016-12-21.