Edukira salto egin | Salto egin nabigazioara

Tresna pertsonalak
Hemen zaude: Hasiera Bideoak Oñati 2018 Eusko Ikaskuntzak 100 urte: aurreskua

Dokumentuaren akzioak

Oñati 2018 Eusko Ikaskuntzak 100 urte: aurreskua

2018/11/26 13:05

Larunbat honetan ospatu dute Oñatin Eusko Ikaskuntzaren sorreraren mendeurrena. Duela 100 urte egin zen modura, aurreskua atera dute Oñatiko plazan, nahiz eta oraingoan agintari gorenek uko egin dioten aurreskuan ateratzeari. Udaletxe azpiko arkupeetatik irten da Eusko Ikaskuntzako ordezkariek, zenbait euskal agintarik eta Oñatiko dantzariek osatutako soka. Xabier Alkortak, Mendeurreneko lehendakariak atera du soka. Aurresku eta atzesku lanetan, berriz, Oñatz dantza taldeko Mikel Biain eta Garazi Madinabeitia aritu dira. Hasierako desafioaren ondoren, Maria Luisa Azurmendi eta Alvaro Castillori, Eusko Ikaskuntzaren bazkide zaharrena eta gazteenari agurra dantzatu diete. Bukatzeko, soka udaletxera begira jarrita, azken desafioa dantzatu dute aurreskuak eta atzeskuak. Irudiak: Eire Vila eta Emilio Xabier Dueñas. Eusko Ikaskuntzak 100 urte, aurreskua, Oñati, 2018-11-24.

Etiketak

Jarri bideo hau zure webgunean
Deskargatu

Dokumentuaren akzioak

2018/11/26 13:30
Soka-dantza txukuna izan zen, nire iritzian. Oñatzeko dantzari eta zerbitzariak ere txukun. Gustuko izan ez nuen momentu bakarra, amaierako desafio gurutzatuan, momentu batean aurresku eta atzeskuek estatua-agintariei begira dantzatzea (dudarik gabe haiei dantzatzea, laburra izan bazen ere). Bai, suposatzen dut, forma onak, protokoloa, aitzat hartzea... Baina beraiek dira momentuari zegokion protokoloan parte-hartzeari uko egin diotenak...

Eskerrik asko zuen irudiengatik, protagonismoa dagokionari emanda, sokari, eta ez estatua-agintari auto-baztertuei.
2018/11/28 08:45
Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.

Erantzun

Erantzuna emateko identifikatu egin behar zara, gure webgunean erabiltzaile bat sortuz.