Mazurka klandestinoa Turinen

Erritmo ternarioa duen dantza honen jatorria Poloniako gorteko dantzetan badago ere XIX. mendean Europa osoan zehar hedatu eta gortetik denen dantza izatera pasa zen. Mazurka moda bezala zabaltzen ari da berriro ere Europako hiriburu nagusietan zehar, eta honen adibide da Turineko (Italia) bideo hau. Ikastaro eta dantza geletan indarra hartzen ari da, baina irudietan ageri den Mazurka klandestino hauek dira dantza honen eszenatoki nagusi. Gaualdean, kaleak hutsik daudenean, plaza eta hirietako txokoetan biltzen dira dantzari eta musikariak, estu-estu lotuta erritmo azkar eta leunak tartekatuz dantza egiteko. YouTubera Lucy White-k igotako irudiak. Turin, 2009-10-24.