Donostia: Ama Birjina eguna 2022 ezpata-dantza

Donostiako Alde Zaharreko kaleetan eta Konstituzio plazan ezpata-dantza dantzatu dute Añorgako Arkaitz dantza taldeko kideek Andre Mariaren egunean, abuztuak 15, ohi duten legez. Portaletatik abiatu dira ezpata-dantzariak eta Santa Maria basilikan, San Bizente elizan eta Konstituzio plazan dantzatu dira. Joseba Astarbek zuzendu du ezpata-dantzari taldea eta Natale Bueno, Elene Sorozabal, Irati Unanue eta Naiara Ollo aritu dira ezpata-txiki lanetan. Irudiak: Saioa Zabala. Ezpata-dantza, Ama Birjina eguna, Arkaitz, Donostia, 2022-08-15.