Dantzaz: Atalak, Becky Siegel

Eustearen eta askatzearen arteko orekaren bila aritu da Becky Siegel (Colorado, AEB, 1959) Gipuzkoako Dantzagunean Dantzaz konpainiarekin. Dantzaren eta bizitzako hainbat esparruren gakoa oreka horretan oinarritzen dela dio. Garrantzia ematen dio dantzan sentitzen diren emozio eta bizitzen diren esperientziei hitza jartzeari eta horixe eskatzen die ikasleei. Berari horrenbeste eman dion dantzaren inguruan hausnartu nahi izan du, ulertu zertan ari den eta dantzaren historia aztertu du zer den profanoa eta zer sakratua begiratuz. Azken urteetan dantzaren alderdi terapeutikoari heldu dio, dantzak eman diona nola edo hala itzuli behar zuela sentitzen baitzuen. Horrela, esklerosi anizkoitza, parkinsona, aniztasun funtzionala... duen jendearekin aritzen da dantzan. Becky Siegel, Eustearen eta askatzearen arteko oreka, Dantzaz, Atalak, Dantzagunea, 2022-06-15.