Berriz: San Pedro 1989 dantzari-dantza

Berrizen orain dela 29 urte dantzatu zuten dantzari-dantza dugu irudietan. Gaur Santa Isabel eguna, dantzari-dantza dantzatuko dute goizean eta arratsaldean Berrizen. San Pedro eta Santa Isabel egunean dantzari-dantza eta erregelak dantzatzen dituzte Berrizko dantzariek. Egun bakoitzean bi aldiz eskaintzen dute saioa dantzariek; lehenengoa eguerdian meza ondorenean eta bigarrena arratsaldeko 20:00etan. Irudietan 1989ko San Pedro egunean Ikerfolk elkarteak grabatutako dantzari-dantza dugu, dantzari-dantza osoa dantzatzen dute dantzariek. Hauek zatiak:

• Agintariena

• Zortzinangoa

• Ezpata joko txikia

• Banangoa

• Binangoa

• Ezpata joko nagusia

• Launangoa

• Makil jokoa

• Txotxongilo

Txistua eta danbolinarekin Alejandro Aldekoa ari da eta atabalarekin bere seme German Aldekoa. Irudiak: Ikerfolk. San Pedro eguneko erregelak, Berriz, 1989-06-29.