Donapaleu: Amikuzeko libertimendua 2023

Amikuzeko libertimendua izan da igande honetan Donapaleun. 10:00 pasata hasi dute festa herriaren itzuliarekin. Zapurrek ireki diete bidea banderari, zigant, basandere, bolantak, musikari eta zirtzilei. Behin herrian zehar desfilea egin eta hainbat jauzi dantzatuta irrikaz zain zeuden ikuslez betetako plaza hartu dute. Amets Artzalus eta Haira Aizpurua bertsolariak aritu dira plazan gertatzen eta kontatzen zen hariari tiraka. Argazkiak: Maddi Alberdi, Itxaso Lopetegi - Dantzan CC-BY-SA. Amikuzeko libertimendua, Donapaleu, 2023-02-26.