Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Villacañas: dantzatzeagatik ordaintzen duten dantzariak

Dokumentuaren akzioak

Villacañas: dantzatzeagatik ordaintzen duten dantzariak

2016/03/18 08:55
Villacañas: dantzatzeagatik ordaintzen duten dantzariak

Argazkia: http://losdanzantesvillacanas.blogspot.com.es/

Gure inguruan ohikoak dira musu-truk dantzatzen duten dantzariak. Gutxixeago izaten dira aldiz, kobratuz dantzatzen dutenak. Baina ezagutzen duzue dantzatzeagatik dirutza ordaintzeko prest den dantzaririk? Ez euro gutxi batzuk gainera. Irudikatzen duzue 4500€ ordaintzea festa egun batean dantza egiteko?

Gurean, Zuberoako pastoraletako bukaerako dantza-jauzia antxeretan enkantean jarri ohi da, baina gaurkoan, urrutixeago jarriko dugu soa.

Toledoko Villacañas herrian hala egiten dute bada! Dantzari postua enkantera atera eta sos gehien ematen duenak lortzen du Cristo de la Viga-ren egunean dantzatzeko ohorea. Hain zuzen bihar, urtero bezala, San Jose egunarekin, eginen dute 2016ko enkantea kofradiako marexalaren etxean, heldu den maiatzaren 1eko festetan dantzara nor aterako den erabakitzeko.

Villacanas 01
Argazkia: http://www.aytovillacanas.com/

Iaz 26.000 euroko diru bilketa

Hamar lagunek parte hartzen dute Cristo de la Viga-ren dantzari taldean: Dantza-maisuak, 7 dantzarik, borra-eramaleak eta alportxa-eramaleak. Iaz, hamar lagun horien artean 26.000 euroko dirutza bildu zuten. Dantzari eskuzabalenak 4500 euro eskaini zituen, "xuhurrenak" berriz, 1500.

Villacanas 02
Argazkia: http://www.aytovillacanas.com/

Enkantea goizeko 10etan hasi ohi da eta arratsaldeko 14:00etan bukatu. Bihar ordu horretan eskaintza handiena egin dutenek irabaziko dute dantzatzeko saria.

Dokumentuaren akzioak

2016/03/18 15:00
Hemen 2011n egindako laburmetraia. 1960ko hamarkadan girotua, ijito batek dantzatuko zuela zin egin, eta zina bete behar. Diru falta eta aurreiritziak oztopo zaizkio bere egitekoa bete ahal izateko, baina mutikoa ez da kikilduko.

http://fibabc.abc.es/videos/danzantes-1889.html
2016/03/21 08:22
Mila esker zuen erantzunagatik! Bai, filme horren berri eman genuen dantzan.eus-en bere garaian: https://dantzan.eus/albisteak/danzantes-liz-lobato
MIla esker gogoraraztegatik!

Erantzun

Erantzuna emateko identifikatu egin behar zara, gure webgunean erabiltzaile bat sortuz.