Lapurdiko inauteria eta mutxikoen pizkundeari buruzko liburua

Thierry Tuffaut-en eskaera bati erantzunez hasi zen Henri Duhau Lapurdiko inauterien inguruko informazio bilketa egiten. Bildutako datuen interesa ikusita  liburu batean argitaratzea erabaki dute. Euskaraz eta Frantsesez idatzita dago liburua eta izenburu hauxe du: "Lapurdiko ihauteria eta mutxikoen pizkundea".

Argazki ugariz hornituta —200 argazki eta 210 orrialde ditu liburuak— Lapurdiko zenbait dantza tradizioren testigantzak jaso ditu, ingurune eta data zehatz batzuei lotuta: Beskoitzen 1964 eta 1966 artean, EDBen 1977 eta 1981 artean, eta Senperen 1977 eta 1981 bitartean.

Saran, apirilaren 5ean egingo den Euskal Idazleen Biltzarrean aurkeztuko da Henri Duhau-k egindako liburua.